ایجوکیشن ایکسپو میں "خواتین کی ذہنی صحت اور اقتصادی بااختیاری" عنوان پر کامیاب پینل ڈسکشن

اورنگ آباد ( رپورٹ، خان افراءتسکین اور اقصٰی حریم) شہر اورنگ آباد میں جاری شاندر ایجوکیشن ایکسپو اور کتاب میلہ کے چوتھے روز (بروز بدھ، ۱۸ دسمبر ۲۰۲۴) منعقدہ پینل ڈسکشن میں ماہرین نے عورتوں کی مینٹل ہیلتھ اور ان کی معاشی خودمختاری کے باہمی تعلق پر روشنی ڈالی۔ اس دوران خواتین کی ذہنی صحت پر مالی خودمختاری کے اثرات اور ذاتی و پیشہ ورانہ ترقی کے درمیان توازن قائم رکھنے کی حکمت عملیوں پر تبادلہ خیال کیا گیا۔ 

اس پروگرام کی ابتداء میں بطور مہمان و مقرر خصوصی ڈاکٹر منجو شری لانڈگے (اسسٹنٹ پروفیسر، ویمن اینڈ جینڈر اسٹڈیز، ایم جی ایم یونیورسٹی، اورنگ آباد)نے حاظرین محفل سے خطاب کرتے ہوئے کہا کہ خاندانی اقدار کے بغیر کوئی معاشرہ مضبوط بنیاد نہیں رکھ سکتا۔ خاندانی مشاورت اور جمہوری خاندان کے تصور کو فروغ دینا انتہائی اہم ہے۔نیز طلباء و طالبات کو تعلیم کے ذریعے خاندانی نظام کی اہمیت سمجھائی جائے۔ خواتین کو پیشہ ورانہ اور ذاتی زندگی میں توازن قائم کرنے کے لیے خاندانی ورکشاپ میں شرکت کرنی چاہیے۔ - مالی خودمختاری کے ساتھ خواتین کو خاندان کے اندر اپنی اہمیت کو تسلیم کروانے پر زور دیا۔

بعد ازاں ڈاکٹر ودیا پردھان (وائس پرنسپل اور صدر شعبہ زوالوجی، آزاد کالج) نے کہا کہ خاندان کے اندر کھلے مباحثے اور مکالمے کا ہونا ضروری ہے۔ مواصلاتی خلاء کو ختم کرنے کے لیے خواتین کو اپنی بات واضح انداز میں پیش کرنی چاہیے۔ ذاتی تعلقات میں ایک دوسرے کو سمجھنے کی صلاحیت پیدا کرنے سے ذہنی سکون حاصل ہوتا ہے۔ مالی خودمختاری کے ساتھ اپنی جذباتی اور ذہنی ضروریات کو بھی اہمیت دیں۔  

 ڈاکٹر ثناء خلجی(ڈائریکٹر، ہیپی فیملی ہاسپٹل اورنگ آباد)نے اپنے خطاب میں کہا کہ خواتین کے لیے ذہنی صحت کا خیال رکھنا اتنا ہی ضروری ہے جتنا کہ مالی آزادی حاصل کرنا۔ ہر عورت کو اپنے پیشہ ورانہ انتخاب میں آزادی ہونی چاہیے۔ ذہنی دباؤ سے بچنے کے لیے روزمرہ زندگی میں مثبت طرزِ عمل اپنانا ضروری ہے۔ -مالی خودمختاری خواتین کو خود اعتمادی دیتی ہے، لیکن اس کے ساتھ ذہنی سکون کو برقرار رکھنے کے لیے وقت کی منصوبہ بندی ضروری ہے۔

محترمہ فردوس خان(ایڈیٹر ان چیف، ہدیہ میگزین) نے بتلایا کہ گھریلو خاتون ہونے کا مطلب صرف ایک کردار ادا کرنا نہیں بلکہ ایک مکمل شخصیت کو فروغ دینا ہے۔ - خواتین کو اپنے جذبات اور خواہشات کو تسلیم کرنا چاہیے اور انہیں اپنے مقاصد کے ساتھ ہم آہنگ کرنا چاہیے۔ - گھریلو خواتین کے لیے ذہنی صحت کے مسائل کا سامنا زیادہ ہوتا ہے، اس لیے انہیں اپنے آپ کو تعمیری سرگرمیوں میں مصروف رکھنا چاہیے۔ 

محترمہ حیات (معلم ، مصنفہ و تعلیمی کارکن) نے اپنے خیالات کا اظہار کرتے ہوئے کہا کہ خواتین کو اپنے شوق کو مقصد میں تبدیل کرنا یا اپنے مقصد کو شوق کے طور پر اپنانا چاہیے۔ مالی آزادی کے ساتھ اپنے حقوق اور ذمہ داریوں کو پہچاننا بھی ضروری ہے۔ - ایک اچھے سامع بننا اور دوسروں کے ساتھ اچھے تعلقات قائم کرنا ذہنی سکون کو فروغ دیتا ہے۔ ذاتی اور پیشہ ورانہ ترقی کا توازن کیلئے خواتین کو یہ سکھانے کی ضرورت ہے کہ وہ اپنے کیریئر اور ذاتی زندگی کے درمیان کیسے توازن برقرار رکھ سکتی ہیں تاکہ وہ ذہنی دباؤ سے بچ سکیں۔  

یہ پینل ڈسکشن ایک متاثر کن موقع ثابت ہوا جس سے خواتین کو اپنی زندگی میں توازن، خودمختاری اور ذہنی سکون حاصل کرنے کی ترغیب دی۔اس پروگرام میں شریک بطور مہمان و مقررین خصوصی کا انتظامیہ کمیٹی کی جانب سے استقبال کیا گیا۔ پروگرام کے اخیر سیشن میں پروین انسٹی ٹیوٹ کی جانب سے مہندی ڈیزائن مقابلے کا انعقاد کیا گیا جس میں کثیر تعداد میں خواتین نے شرکت کیں۔ نیز طالبات کو انعامات انعامات سے نوازا گیا۔

*دعوت اسلامی کے مہاراشٹر اور ناسک کے ذمہ داران کی بینا و نابیناوں کا مدرسہ میں حاضری*

پریس ریلیز ۔ دین اسلام کی دعوت و تبلیغ کی معروف تنظیم دعوت اسلامی کے مہاراشٹر اور ناسک کے زمہ داران نے آج مورخہ 18 دسمبر 2024 بروز بدھ کو آل انڈیا سنیّ جمعیت الاسلام مالیگاؤں کے زیر اہتمام جاری بینا و نابیناوں کا مدرسہ دارالعلوم فیض القرآن درگاہ حضرت معصوم شاہ کٹی کا دورہ کیا۔ اور یہاں جاری دینی و تعلیمی سرگرمیوں سے متاثر ہوئے اور یہاں کے تعلیمی کام کاج کی سراہنا کی۔ نیز یہاں موجود نابینا حفاظ کرام سے بھی ملاقات کی اور ان کے علم و فن کی سراہنا کی۔ ساتھ ہی ساتھ آل انڈیا سنیّ جمعیت الاسلام کے صدر جانشینِ صوفئ ملّت صوفی نورالعین صابری صاحب اور سیٹھ شیخ اکبر اشرفی صاحب صوفی جمیل قادری ٹیلر صاحب سےخصوصی ملاقات کی۔*

*اس ملاقات کے دوران صوفی نور العین صابری صاحب نے بتایا کہ ہمارے مدرسہ میں زیر تعلیم بچوں کو دینی تعلیم کے ساتھ ساتھ تربیتی تعلیم اور مراٹھی انگلش زبان بھی پڑھائی جاتی ہے۔ اور انہیں دین و دنیا کی تعلیم سے آراستہ کرنے کا کام کیا جارہا ہے۔ دعوت اسلامی کے ذمہ داران نے تعلیمی سرگرمیوں پر خوشی کا اظہار کیا اور دعائیں پیش کیں۔*

*دعوت اسلامی کے وفد میں مہاراشٹر کے نگراں حاجی وقار عطاری صاحب، ناسک ڈویزن کے نگراں عبد الستار عطاری، مجلس ائمہ کے رکن ڈویژن حافظ امتیاز صاحب، شعبہ اسپیشل پرسنز کے رکن ڈویژن سید آصف عطاری صاحب، جی این آر ایف کے شعبہ ڈسٹرکٹ ذمہ دار ابولیث عطاری صاحب، نیک اعمال کے ڈسٹرکٹ ذمہ دار ثاقب عطاری صاحب موجود تھے۔*

عظیم الشّان مشاعرہ

مالیگاؤں (پریس ریلیز) تہذیب و ادب کے شہر مالیگاؤں میں "پروازِادب" اردو کی ادبی وراثت و روایت کو زندہ کرنے کی کوشش کررہا ہے. پروازِادب ادب کے بینر تلے گزشتہ تین کل ہند مشاعرے نہایت کامیاب و منفرد ثابت ہوئے. اسی سلسلے کو آگے بڑھاتے ہوئے 19 دسمبر 2024 بروز جمعرات رات 8 بجے اسکس لائبریری ہال، اے ٹی ٹی ہائی اسکول کے سامنے چوتھا عظیم الشان مشاعرہ کا انعقاد ہوگا. اس مشاعرہ میں عالمی شہرت یافتہ منفرد لب و لہجہ کے شاعر جناب اسماعیل راز کا اعزاز بھی دیا جائے گا.

معروف علمی و ادبی شخصیت جناب امتیاز خلیل صاحب اس مشاعرہ کی صدارت فرمائیں گے. مشہور و معروف منتخب شعراء کرام سامعین کو اپنے کلام بلاغت نظام سے محظوظ فرمائیں گے. جناب رئیس ستارہ صاحب نظامت کے فرائض انجام دیں گے. مشاعرہ کے کنوینر عمران راشد اور آرگنائزر اظہرالدین اجو فٹر نے با ذوق سامعین سے شرکت کی گزارش کی ہے.

پربھنی میں تشدد اور پولیس حراست میں موت: ایم پی جے نے تحقیقات کا مطالبہ کیا

ممبئی: ملک کی اہم عوامی تحریک، مومنٹ فار پیس اینڈ جسٹس فار ویلفیئر (ایم پی جے) نے مہاراشٹر کے پربھنی میں حالیہ تشدد اور پولیس حراست میں ایک شخص کی موت پر گہری تشویش کا اظہار کیا ہے۔ تنظیم نے ریاست کے مختلف اضلاع میں ضلع افسران کے ذریعے وزیراعلیٰ کو میمورنڈم پیش کرتے ہوئے اس معاملے کی اعلیٰ سطحی تحقیقات کا مطالبہ کیا ہے۔

غور طلب ہے کہ 10 دسمبر کو پربھنی میں بابا صاحب ڈاکٹر بی آر امبیڈکر کے مجسمے کے قریب آئین کی نقل کو توڑے جانے کے بعد شروع ہونے والے تشدد میں کئی افراد زخمی ہوئے اور ذاتی و عوامی املاک کو نقصان پہنچا۔ اس تشدد کے دوران پولیس نے کئی افراد کو حراست میں لیا تھا، جن میں سے ایک شخص سوم ناتھ سور یونشی کی پولیس حراست میں موت ہوگئی۔

در حقیقت، متوفی سوم ناتھ سور یونشی کے خاندان سمیت مقامی کمیونٹی نے الزام لگایا ہے کہ سور یونشی کی موت پولیس حراست میں ہوئی ہے اور اس معاملے میں پولیس کا کردار مشکوک ہے۔

ایم پی جے نے مہاراشٹر حکومت سے مطالبہ کیا ہے کہ اس واقعہ کی اعلیٰ سطحی، غیر جانبدار اور آزادانہ تحقیقات کرائی جائیں تاکہ سوم ناتھ سور یونشی کی موت کی اصل وجوہات کا پتہ چل سکے۔ اگر تحقیقات میں کسی بھی قسم کی غلطی یا غیر فطری موت کا انکشاف ہوتا ہے، تو مجرموں کے خلاف قانون کے مطابق سخت کارروائی کی جائے۔

ایم پی جے نے اس واقعہ کی بھی گہری تحقیقات کا مطالبہ کیا ہے جس کی وجہ سے آئین کی نقل کو نقصان پہنچایا گیا۔ تاکہ اس واقعہ کے پیچھے کے حالات اور ذمہ دار افراد کا پتہ لگا کر مستقبل میں اس طرح کے واقعات کو روکا جا سکے۔

ایم پی جے کے جنرل سکریٹری، افسر عثمانی نے میڈیا سے بات کرتے ہوئے کہا کہ، "ہم مہاراشٹر حکومت سے اپیل کرتے ہیں کہ وہ اس معاملے میں فوری مداخلت کر کے انصاف کو یقینی بنائے۔" انہوں نے کہا کہ پربھنی میں امن اور ہم آہنگی کو بحال کرنے کے لئے تمام متعلقہ فریقوں کے ساتھ بات چیت کا آغاز کیا جانا چاہئے۔

ایم پی جے کے ریاستی صدر، محمد سراج نے اس معاملے پر اپنا خیال ظاہر کرتے ہوئے کہا کہ آئین کی نقل اور بابا صاحب ڈاکٹر بھیمراؤ امبیڈکر کے مجسمے کو نقصان پہنچانا ایک شرمناک اور مذموم فعل ہے۔ یہ نہ صرف ہمارے جمہوری اقدار پر حملہ ہے بلکہ ملک کے بانیوں کی بھی توہین ہے۔

یہ واقعہ فطری طور پر لوگوں میں غصہ پیدا کرنے والا ہے، لیکن ہمیں پرامن طریقے سے احتجاج درج کرانا چاہئے۔ ہمیں کبھی بھی آئین کی اخوت جیسے قیمتی اصول کو نہیں فراموش کرنا چاہیے۔

انہوں نے کہا کہ اس طرح کے واقعات آئین کے بارے میں لاعلمی کے نتیجے ہیں۔ ہمارا آئین نہ صرف دنیا کا بہترین آئین ہے بلکہ ایک زندہ دستاویز بھی ہے۔ یہ ہمارے سماجی اقدار اور آرزؤں کی نمائندگی کرتا ہے۔ ہمارے روزمرہ کے زندگی میں اور سماجی، اقتصادی و سیاسی نظام میں آئینی اقدار نظر آنی چاہئے۔

اس لئے ہم حکومت سے یہ بھی اپیل کرتے ہیں کہ آئین کی اہمیت کو عوام تک پہنچانے کے لئے وسیع پیمانے پر آگاہی مہم چلائی جائے۔

’’ترانہ پرچم اردو ‘‘اور’’ دریچے کی دھوپ‘‘کارسمِ اجرأ و آل انڈیا مشاعرہمالیگاؤں:۔(راست)بروز

اتوار۲۶؍جنوری۲۰۲۵؍ جشن یوم جمہوریہ کے پر مسرت موقع پرشہرعزیز کے اردو گھر میں شام میں۷؍بجے ایک آل انڈیا مشاعرہ کا انعقاد کیا جا رہاہے جس میں بیرون ملک اور ملکی سطح پر اردو کی نمائندگی کرنے والے شعرائے کرام شرکت فرما رہے ہیں۔خصوصی طورپر شرکت کرنے والےممبئی کسٹم کے کمشنر عالیجناب اسلم حسن صاحب کے والد بزرگوار کی تصنیف’’دریچے کی دھوپ‘‘ کی رونمائی کی جائے گی۔نیزبرصغیر کے مقبول و معروف رائٹر کوثر صدیقی صاحب کے لکھے ہوئے’’ترانہ پرچم اردو‘‘کااجرأ کمال

پبیلیکیشن جبلپور کے روح رواں فیروز کمال کے دست مبارک سے ہوگا۔مہمان ذی وقار میں محترم عبدالرحمان انصاری(IPS)صاحب، روزنامہ ہندستان کے مدیراعلی جناب سرفرازآرزو صاحب ،محترم حافظ ولی محمدصاحب(گجرات) تشریف لا رہے ہیں۔مالیگاؤں اور اطراف و اکناف کے تمام شعرائے کرام سےاس منفرد پروگرام میںخصوصی طور پرشرکت کی استدعا اراکین مشاعرہ کمیٹی نے کیے ہیں۔

کنویر:یوسف رانا،9004200983

انرجی ڈرنکس چھوڑیں، توانائی بڑھانے والی غذائیں استعمال کریں

انرجی ڈرنکس کا زیادہ استعمال صحت کے لیے نقصان دہ ہو سکتا ہے۔

ان انرجی ڈرنکس میں کیفین اور شوگر کی مقدار زیادہ ہوتی ہے جو بلڈ پریشر میں اضافے، دل کی دھڑکن میں بے قاعدگی اور توانائی میں اچانک کمی کا باعث بن سکتی ہے۔

این ڈی ٹی وی کے مطابق انرجی ڈرنکس کا زیادہ استعمال وقت کے ساتھ یہ اضطراب، بے خوابی اور یہاں تک کہ دل کی بیماریوں کا باعث بھی بن سکتا ہے۔

انرجی ڈرنکس کے بجائے کچھ ایسی غذائیں ہیں جو قدرتی طور پر آپ کی توانائی کی سطح کو بغیر کسی منفی اثرات کے تیزی سے بڑھا سکتی ہیں۔

یہ غذائیں بلڈ شوگر کی سطح کو مستحکم کر کے، میٹابولزم اور عمومی صحت کو بہتر بنانے والے ضروری عناصر فراہم کر کے مستقل توانائی فراہم کرتی ہیں۔

آپ کو کچھ ایسی غذاؤں کے بارے میں آگاہ کرتے ہیں جنہیں آپ اپنی توانائی کی سطح کو قدرتی طور پر بڑھانے کے لیے استعمال کر سکتے ہیں۔

کیلے کا استعمال

کیلے میں قدرتی طور پر شوگر، ریشہ اور پوٹاشیم کی مقدار ہوتی ہے جو انہیں توانائی کا فوری ذریعہ بناتے ہیں۔

کاربوہائیڈریٹس اور الیکٹرولائٹس کا یہ امتزاج آپ کے جسم کو توانائی فراہم کرتا ہے جس کی وجہ سے یہ فوری توانائی بڑھانے میں اہم کرادار ادا کرتے ہیں۔

جو کا استعمال

’جو‘ کے ایک پیالے میں ایسے کمپلیکس کاربوہائیڈریٹس ہوتے ہیں جو آہستہ آہستہ ہضم ہوتے ہیں۔

اس وجہ سے ’جو‘ کے استعمال سے مستقل توانائی ملتی رہتی ہے۔

جو میں موجود ریشہ خون میں شوگر کو منظم کرنے میں مدد فراہم کرتا ہے۔

جو کا شکر والے سنیکس کے ساتھ استعمال اکثر بلڈ اور شوگر کے اتار چڑھاؤ کو کم کر سکتا ہے۔

خشک میوہ جات کا استعمال

خشک میوہ جات صحت مند فیٹس، پروٹین اور میگنیشیم سے بھرپور ہوتے ہیں۔

ان کے استعمال سے پھرپور توانائی حاصل کی جاسکتی ہے۔

ایک مُٹھی خشک میوہ جات فوری طور پر توانائی کی سطح کو بحال کر سکتے ہیں اور آپ کو زیادہ دیر تک بھرا ہوا اور توانائی سے بھرپور محسوس کراتے رہیں گے۔

کالی چاکلیٹ کا استعمال

سیاہ چاکلیٹ میں قدرتی طور پر کیفین اور تھیوبرومائن موجود ہوتے ہیں جو آپ کو فوری توانائی فراہم کر سکتے سکتے ہیں۔

سیاہ چاکلیٹ میں موجود اینٹی آکسیڈنٹس بھی خون کے بہاؤ کو بہتر بناتے ہیں جس کی وجہ سے دماغ اور پٹھوں کو آکسیجن کی ترسیل میں اضافہ ہوتا ہے۔

یونانی دہی کا استعمال

یونانی دہی میں پروٹین کی مقدار زیادہ ہوتی ہے۔

اس کے استعمال کی وجہ سے انسانی جسم کو توانائی کی سطح کو برقرار رکھنے میں مدد ملتی ہے۔

دہی میں موجود کاربوہائیڈریٹس فوری توانائی کا ذریعہ فراہم کرتے ہیں۔

فوری طور پر توانائی حاصل کرنے کا یہ ایک بہترین انتخاب ہے جو توانائی بڑھانے والے سنیک کے طور پر کام کرتا ہے اور اس میں پروبائیوٹکس بھی بھرپور مقدار میں موجود ہوتے ہیں۔

انڈوں کا استعمال

انڈے ایک ایسی خوراک ہیں جو اعلٰی معیار کی پروٹین اور وٹامن بی سے بھرپور ہوتے ہیں۔

ان کا استعمال خوراک کو توانائی میں تبدیل کرنے میں مدد فراہم کرتا ہے۔

انڈوں میں موجود امینو ایسڈ پٹھوں کی مضبوطی اور طاقت میں اضافہ کرتے ہیں جس کی وجہ سے یہ فوری اور مستقل توانائی کے لیے ایک موثر غذا ہیں۔ 

کانگریس نے ’خون چکھنے‘ کے بعد آئین کو بار بار زخمی کیا، وزیراعظم مودی نے نہرو-گاندھی فیملی پر سادھانہ نشانہ

نئی دہلی : وزیر اعظم نریندر مودی نے ہفتہ کو الزام لگایا کہ کانگریس نے ‘خون چکھنے’ کے بعد آئین کو بار بار زخمی کیا ، جب کہ 2014 میں اقتدار سنبھالنے کے بعد سے ان کی حکومت کی پالیسیوں اور فیصلوں کا مقصد آئین کے وژن کے مطابق ہندوستان کی طاقت اور اتحاد کو فروغ دینا ہے ۔ انہوں نے ہندوستانی آئین کے 75 سالہ سفر کو ‘غیر معمولی’ قرار دیا اور اپوزیشن بالخصوص کانگریس پر نشانہ سادھتے ہوئے کہا کہ اس عرصے میں ‘ایک ہی فیملی’ نے 55 سال حکومت کی، جس نے ملک کے آئین کو تار تار کر کے ایمرجنسی لگائی۔ عدالت کے ’پنکھ‘کاٹ دیے اور پارلیمنٹ کا ’گلا گھونٹنے‘ تک کا کام کیا ۔

‘آئین کے 75 سال کے شاندار سفر’ پر لوک سبھا میں بحث کا جواب دیتے ہوئے وزیر اعظم مودی نے یہ بھی کہا کہ بھارتیہ جنتا پارٹی (بی جے پی) کے لیے آئین اور اس کی حرمت اور پاکیزگی سب سے اہم ہے اور یہ صرف لفظوں تک محدود نہیں ہے۔ وزیراعظم مودی نے پچھلی کانگریس حکومتوں کو نشانہ بنایا اور ان پر الزام لگایا کہ وہ ملک کے تنوع میں ‘زہریلے’ بیج بو رہے ہیں تاکہ ملک میں تضادات کو تقویت مل سکے اور اس کے اتحاد کو نقصان پہنچے۔

انہوں نے کہا کہ آئین کا غلط استعمال کرنا اور اس کی روح کو تباہ کرنا کانگریس کے ڈی این اے کا حصہ رہا ہے۔ ہمارے لیے آئین، اس کی حرمت اور اس کی سالمیت سب سے زیادہ اہمیت کی حامل ہے۔ یہ سب صرف لفظوں میں نہیں ہے… جب جب ہمیں کسوٹی پر پرکھا گیا، تب تب پایا گیا کہ ہم تپسیا کرکے نکلے لوگ ہیں ۔‘‘ انہوں نے کہا کہ بی جے پی کی قیادت والی حکومتوں نے آئینی ترامیم بھی کی ہیں، لیکن وہ ملک کے اتحاد، سالمیت اور روشن مستقبل کے لیے تھیں۔

کانگریس اور گاندھی - نہرو خاندان پر نشانہ سادھتے ہوئے وزیراعظم مودی نے کہا کہ 75 سال کے اس سفر میں ایک ہی خاندان نے 55 سال حکومت کی ہے۔ جب ہندوستان اپنے آئین کے 25 سال کا جشن منا رہا تھا تو ہمارے ملک کے آئین کو تار تار کر دیا گیا تھا۔ ایمرجنسی نافذ کر دی گئی! آئینی شقیں معطل کر دی گئی تھیں! ملک کو جیل میں تبدیل کر دیا گیا، شہریوں کے حقوق چھین لیے گئے اور آزادی صحافت پر قدغن لگا دی گئی ۔ 

جواہر لعل نہرو، اندرا گاندھی اور راجیو گاندھی کے وزیر اعظم رہنے کے دوران کیے گئے کئی فیصلوں کا حوالہ دیتے ہوئےوزیراعظم مودی نے کہا کہ خاندان نے ‘خون کا ذائقہ’ چکھتے ہوئے آئین کو بار بار زخمی کیا ۔