*الف، سیمی انگلش میڈیم اسکول میں جشن جمہوریہ*

رمضان پورہ :دیانہ شوار

بروز 26 جنوری 2025 کو مالیگاؤں کی ابھرتی ہوئی اسکول الف، سیمی انگلش میڈیم اسکول میں یوم جمہوریہ کی تقریب نہایت زور و شور سے منائی گئی.

باغبان کمیونٹی کی جانب سے عظیم الشان تقریب جشن جمہوریہ میں ہزاروں کی تعداد میں آس پاس سے خواتین و بچوں نے شرکت کی

اور تقریب کو کامیاب بنایا،

اسکول ھذا کمیٹی کے سربراہ، مجیب رفیق باغبان سر

اور اہل خانہ کی محنتوں سے اسکول ترقی کے مراحل تیزی سے طے کررہا ہے

بچوں کو انگریزی، اردو کے علاوہ، مراٹھی، ہندی اور کھیل و کود، ڈرائنگ، تقریری مقابلوں کے مواقع فراہم کئے جاتے ہیں 

نرسری و جونیئر کے جی، سینئر کے جی کے ننھے ننھے طلبہ و طالبات نے ہندوستانی سانگ پر حیرت انگیز پرفارمنس دئیے اور ناظرین سے ڈھیروں داد وصول کی.

وہیں دوسری طرف، بچوں کی حوصلہ افزائی کیلئے شہر کے سرکردہ افراد نے شرکت کی

تقسیم انعامات کے سلسلے دراز رہے

اور اخیر تک کرسیاں بھری رہیں

دعاگو ہیں کہ الف، سیمی انگلش میڈیم سے تحریک پانے والے طلبہ و طالبات، آگے چل کر دیگر تعلیمی شعبہ میں نمایاں مقام حاصل کریں.

ہم پروگرام کے ذمہ داران

اور پروگرام کمیٹی کے وہ تمام ٹیچرز جنہوں نے بے مثال اناؤنسمنٹ سے ناظرین پر سماں باندھے رہا، وہ تمام ٹیچرز جنہوں نے بچوں کیلئے بہت محنت کی

تمام کو شہر مالیگاؤں کی جانب سے مبارکباد اور ہدیہ تبریک پیش کرتے ہیں.

نیوز مالیگاؤں

جامعہ محمدیہ منصورہ کیمپس میں یومِ جمہوریہ کی شاندار تقریب کا انعقاد

مالیگاؤں(پریس ریلیز) شہر کے معروف دینی اور عصری تعلیمی ادارے جامعہ محمدیہ (منصورہ کیمپس) میں ملک کے 76 ویں یومِ جمہوریہ کے موقع پر ایک پروقار تقریب کا انعقاد بروزاتوار، 26 جنوری 2025 کو صبح 8 بجے کیا گیا ۔ اس موقع پر صدر جامعہ محمدیہ ایجوکیشن سو سائٹی مولانا ارشد مختار صاحب کے ہاتھوں رسم پرچم کشائی عمل میں آئی۔ اس تقریب میں جامعہ کے سیکریٹری جناب راشد مختار صاحب اور جوائنٹ سیکریٹری جناب بلال مختار صاحب خصوصی طور پر شرکت کی۔ 

وہیں جامعہ محمدیہ کے زیر انصرام جاری تمام تعلیمی اداروں ( مولانا مختار احمد ندوی ٹیکنیکل کیمپس، محمدیہ طبیہ کالج، شریعہ کالج، اسماء خاتون جونیئر کالج، المختار اکیڈمی، آفاق اکیڈمی، کلیہ عائشہ، وغیرہ) کے پرنسپل حضرات، اساتذہ اور طلباء و طالبات نے کثیر تعدا د میں شرکت کیں۔ اس پروگرام کی نظامت پروفیسر اسماعیل انصاری ( شعبہ سول انجینئرنگ) نے بخوبی نبھائی۔ وہیں پروگرام کو کامیاب بنانے میں پروفیسر عدیل انصاری، پروفیسر فیضان احمد، ڈاکٹر ساجد نعیم ( پروگرام کوآرڈینیٹر) اور دیگر اسٹاف نے بھر پور تعاون پیش کیا۔

*26 جنوری یومِ جمہوریہ* *از قلم مفتی محمد اسلم جامعی* (استاذ دارالعلوم محمدیہ قدوائی روڑ)

ہمارا ملک ایک جمہوری ملک ہے،جو مختلف قوموں کا مسکن اور مختلف تہذیبوں کا گہوارہ ہے،اس کی گود میں گنگا جمناکی روانی، لال قلعہ اورجامع مسجد کی مضبوطی وپاکیزگی، اور تاج محل کی خوبصورتی ہے، مگر، جب اس جنت نما ملک پر، تثلیث کےعلمبرداروں اور برطانوی سامراج کے انگریزوں نے ظالمانہ و جابرانہ طور پر قبضہ کرلیا، توملت کے پاسبانوں اور جیالوں نے برادرانِ وطن کو ساتھ لے کرایک طویل کاوش کے بعد، داغِ یتمی، نالۂ نیم شبی، سنّتِ یوسفی اور خونِ جگر بہا کرآزادئ ہند کے خواب کوشرمندۂ تعبیر کیا، تقریباً ایک صدی تک( 1757سے 1857 تک) مسلمانوں نے تنِ تنہااس ملک کو آزاد کرانے میں اپنی جانوں کا نذرانہ پیش کیا،چنانچہ موجودہ دور میں ہماری نئی نسل رسمی طور پر 15 اگست اور 26 جنوری پر نشۂ مسرّت میں مخمور ہوتی ہے، ان کو اس بات علم بھی نہیں ہوتا کہ مسجدوں اورخانقاہوں میں گیسوئے دین سنوارنے والے علماء کرام، نے آزادی کے حصول کے لیے اپنا لہو بہایا، اور یہ لہو ایک دو دن نہیں، ایک دو مہینے نہیں، یا ایک دو سال تک نہیں بہا، بلکہ دو صدیوں تک بہتا رہا ہے، 1757ء میں سراج الدولہ نے اپنے لہو سے حصولِ آزادی کی جو مشعل روشن کی تھی، وہ ملک بھر میں برسوں گردش کرتی رہی، کبھی یہ مشعل ٹیپو سلطان کے ہاتھ میں رہی، اور کبھی شاہ

عبدالعزیز محدث دہلوی رح نے اُسے روشن رکھا،اور کبھی حضرت سید احمد شہید رح اور حضرت سیداسماعیل شہید رح نے اُسے قریہ قریہ، بستی بستی اُٹھائے پھرتے رہے، کبھی یہ حضرت مولانا قاسم نانوتوی رح اور حضرت مولانا رشید احمد گنگوہی رح کے ہاتھوں نے تھامی، کبھی اس میں حضرت شیخ الہند اور ان کے شاگردوں کے خون سے روشنی رہی، ان بزرگوں کی قیادت میں ہزاروں، لاکھوں، لوگوں نے اپنی جانوں کا نذرانہ پیش کیا، گولیاں کھائیں، پھانسیوں پر لٹکے، کتنے ہی لوگوں نے زندگی کے ماہ وسال قید و بند کی صعوبتوں میں گزارے، جلاوطن ہوئے، اس داستانِ آزادی کا ہر حرف اور ہر لفظ ہمارے بزرگوں کے خونِ شہادت سے رنگین ہے، اس لئے لیے ہمیں اپنے تابناک ماضی سے واقفیت رکھنا ضروری ہے کیونکہ جو قوم اپنے ماضی سے کٹ جاتی ہے، وہ کبھی بھی مستقبل میں کامیابی کے نقوش ثبت نہیں کرپاتی، کامیاب منصوبے ہمیشہ ماضی کی تاریخ سامنے رکھ کر ہی بنائے جاتےہیں، اور جب ماضی کوبھلا دیا جائے، یا تاریخ کو مسخ کردیا جائے یا اس سے دانستہ تجاہل برتاجائے تو پھر اخلاقی زوال قوم کا مقدر بن جاتا ہے، اس لئے اپنے روشن و تابناک ماضی اور اسلاف و ملت کے جیالوں کے زرین کارناموں سے وابستگی رکھنا زندہ دلی کی علامت ہے راقم السطور نے یومِ آزادی کے عنوان سے چند ماہ قبل ایک طویل مضمون زیبِ قرطاس کیا تھا اور مستند حوالہ جات کی بنیاد پر جنگ آزادی میں مسلم علماء و عوام کی قربانیوں کو اجاگر کرنے کی اپنی سی کوشش تھی، اس لیے اس مضمون میں جنگ آزادی پر خامہ فرسائی کے بجائے دستورِ ہند کے تئیں کچھ باتیں زیبِ قرطاس کرتا ہوں، کیونکہ جس طرح مسلمانوں نے استخلاصِ وطن کے تئیں ایک طویل قربانی دی اسی طرح ملک کو سیکولر بنانے اور دستورِ ہند میں مسلمانانِ ہند کو یکساں حقوق دلانے میں بھرپور نمائندگی کی، جو آگے مضمون میں، اس کی تفصیل آئے گی، مگر آئینِ ہند کے نفاذ کو سمجھنے کے لیے اجمالی طور پر، انگریزوں کے اقتدار اور باشندگانِ ہند کی کوششوں پر نگاہ ڈالے کہ جب تاجرانِ متاع فروش نے اقتدار کی ہوس میں ظالمانہ و جابرانہ تسلط قائم کرنے کی مذموم کوشش کی تو مسلمانانِ ہند نے ان کو ملک بدر کرنے کی اپنی بساط بھر کوششیں کی، جو تاریخ کے ذرین اوراق میں ثبت ہے، غرض ایک طویل جد جہد اور بے شمار قربانیوں کے بعد بالآخر 15 اگست 1947 میں ملک آزاد ہوا، پھر تقسیم کے بعد فرقہ وارانہ فسادات کا ایک لامتناہی سلسلہ شروع ہوگیا جس کی المناک داستان بیان کرنے سے قلم قاصر ہے، اور بھلا اپنوں کی رسوائی، بربادی قتل و غارت گری کا تحمل کسے ہوسکتا ہے، تفصیلات کے لیے مولانا محمد میاں دیوبندی رح صاحب کی کتاب، علماء حق اور ان کے مجاہدانہ کارنامے، تحریک آزادئ ہند میں مسلم علماء و عوام کا کردار، مفتی سلمان منصور پوری صاحب ، اور تحریک آزادی اور مسلمان، مولانا نظام اسیر ادروی رح صاحب کا مطالعہ فرمائیں، 

 

*دستورِ ہند کے تئیں کاوشات*

  طویل مسافت طے کرتے ہوئے کاروانِ آزادی 15 اگست 1947 کو 14_15 کی درمیانی شب میں اپنی منزل پر پہنچ گیا، جب پورا ہندوستان محوِ خواب تھا تو ہندوستان کا مقدر جاگ گیا اور آل انڈیا ریڈیو سے ہندوستان کی آزادی کا اعلان ہوا، ملک میں انگریزوں کا 1935 کا بنائیں ہوا ایکٹ نافذ تھا اور اسی کے مطابق ملک کا نظام چلتا رہا مگر جب غیر منقسم ہندوستان میں الیکشن کے ذریعہ قانون ساز اسمبلی وجود میں آئی، جس کے ممبران کی تعداد کل ملا کر تین سو ترانوے تھی، اس اسمبلی کا پہلا اجلاس 9 دسمبر 1946 کو ہوا جس کے سب سے عمر رسیدہ رکنِ اسمبلی ڈاکٹر سچتا نند سنہا صاحب کو عارضی طور پر اسمبلی کا صدر منتخب کیا گیا، پھر 11 ستمبر 1947 کو تمام اراکین نے بالاتفاقِ رائے ڈاکٹر راجندر پرشاد صاحب کو اسمبلی کا صدر منتخب کرلیا تو اسمبلی نے طے کیا کہ آزاد ہندوستان کا اپنا آئین بنایا جائے جس میں ملک کے تمام باشندوں کے حقوق کا تحفظ بھی ہو، اور ان کی خوش حال اور پُر امن زندگی کی ضمانت بھی اسی مقصد کے تئیں اسمبلی نے آئین سازی کے لیے 13 کمیٹیاں بنائی، ان کمیٹیوں نے اپنے اپنے مسوّدات تیار کئے، پھر اسمبلی نے سات افراد پر مشتمل ایک کمیٹی تشکیل دی جس کے صدر ڈاکٹر بھیم راؤ امبیڈکر تھے، اس کمیٹی کے ممبران نے تمام مسوّدات کا گہرائی، باریک بینی اور دقتِ نظری سے مطالعہ کیا، مطالعہ کے بعد ایک نیا مسوّدہ تیار کیا اور 4 نومبر 1947 کو اس مسوّدۂ آئین کو بحث و نظر، ترمیم و تنسیخ اور حذف و اضافے کے لئے قانون ساز اسمبلی میں پیش کیا ، جنوری 1948 کو یہ مسوّدۂ قانون عام باشندگانِ ہند کے لئے شائع کردیا کیا گیا، تو دو ہزار سے زائد ترمیم و تنسیخ کے لیے تجاویز موصول ہوئی، پھر 26 نومبر 1950 کو یہ مسوّدۂ قانون، دستور ساز اسمبلی میں پیش ہوا، بحث ونظر کے بعد، حضرت مولانا حسرت موہانی رح کے علاوہ تمام ممبران نے 26 جنوری 1950 کے اجلاس میں اس کی ہندی اور انگریزی کاپیوں پر دستخط کرکے سندِ قبولیت سے سرفراز کیا غرض دو سال گیارہ ماہ اٹھارہ دن کی مسلسل محنت اور کوشش اور ایک کروڑ روپے کے صرفہ سے ملک کا آئین تیار ہوا، اس دستور کا نفاذ 26 جنوری 1950 کو ہوا، تو اس دن کو یومِ جمہوریت کے طور پر منایا جاتا ہے

*جاری..............................*

*عقیدۂ توحید* *از قلم مفتی محمد اسلم جامعی* (استاذ دارالعلوم محمدیہ قدوائی روڑ)

اسلام کی آمد سے قبل پوری دنیا ضلالت و گمراہی کے اندھیرے میں غرق تھی، لوگ اپنے ہاتھوں کے تراشیدہ بتوں سے اپنی حاجت و ضرورت کا اظہار کرتے، ان کو مشکل کشاں، مولٰی و ملجا تصور کرتے، خود باشندگانِ عرب دورِ جاہلیت میں ہر وہ کام انجام دیتے تھے جس سے انسانیت شرمسار ہوجاتی، افسادِ اعمال کے ساتھ عقائد کے باب میں تعدّدِ اِلہ کی عبادت کے خوگر تھے خود خانۂ خدا میں تین سو ساٹھ پتھر کے تراشیدہ صنم ڈیرہ ڈالے ہوئے تھے غرض معدودے چند افراد کے علاوہ پوری انسانیت عقیدۂ توحید سے منحرف تھیں، آسمانی ادیان کے علمبردار بھی تعدّدِ اِلہ اور تثلیث کے عقیدۂ بد میں مبتلا تھے، اسلام نے انسانیت کو امن امان کا پیغام دیا دستورِ حیات دے کر زندگی گزارنے کا طریقہ سیکھایا اور پورے زور و شور سے عقیدۂ توحید کی تعلیم دی، تعدّدِ اِلہ اور تثلیث کے عقیدے کی مکمّل پر تردید کرتے ہوئے ضربِ کاری لگائی اور توحید کے متصادم نظریہ شرک کو ناقابلِ معافی جرم قرار دیا، اسلام اور اہلِ اسلام کو دیگر ادیان اور مذاہب کے درمیان ممتاز کرنے میں عقیدہ توحید ہی ہے، قرآن کریم میں چار طرح کے مضامین ہے، *١* عقائد *٢* احکام *٣* قصص *٤* امثال پھر عقائد میں بنیادی طور پر تین عقائد کو ثابت کیا گیا، توحید، رسالت اور آخرت، عقیدۂ توحید کا مطلب ہے کہ انسان کائنات کے ذرّے ذرّے کو صرف ایک ذات کی مخلوق سمجھے، اسی کو پُوجے، اُسی کو چاہیے، اُسی سے ڈرے اُسی سے مانگے اور دل میں یہ یقین رکھے کہ اس بیکراں کائنات کا ذرّہ اُسی کے قبضۂ قدرت میں ہے، اور کوئی دوسرا اس کی توفیق کے بغیر اُسے اِدھر سے اُدھر ہلا بھی نہیں سکتا ، چنانچہ علامہ حافظ ابن احمد حکمی نے عقیدۂ توحید کی بڑی جامع تعریف فرمائی کہ اَلْأحْدُ الْفَرْدُ الَذّيْ لَا ضِدَّ لَهُ وَ لاَ نِدَّ لَهُ وَ لاَ شَرِيْكَ لَهُ فِيْ اِلٰهِيَّتِهٖ وَ رُبُوْبِيَّتِهٖ وَلَا مُتَصَرِّفَ مَعَهٗ فِيْ ذَرَّةٍ مِنْ مَلَكُوْتِهُٖ وَلَا نَظِيْرَلَهٗ فِيْ شَيَءٍ مِنْ اَسْمَائِهٖ وَ صِفَاتِهٖ

وہ یکتا اور تنہا ہے، جس کا اس کی عبادت اور ربوبیت میں کوئی مقابل نہیں،اور نہ برابر ہے، نہ کوئی شریک ہے اور نہ اس کے ساتھ اس کی حکومت کے ذرہ میں کوئی تصرف کرنے والا ہے، اور نہ اس کے ناموں و صفتوں میں اس کی کوئی مثال اور نظیر ہے 

( معارج الوصول جلد ١ صفحہ٨٨ ) 

اس کی اور زیادہ وضاحت حضرت مفتی شفیع صاحب رح کرتے ہوئے فرماتے ہیں کہ تمام دنیا کے مذاہب میں، اسلام کا طغرائے امتیاز اور اس کا رکنِ اعظم عقیدۂ توحید ہے ، اور یہ بھی ظاہر ہے کہ صرف اللہ تعالیٰ کی ذات کو ایک اور اکیلا جاننے کا نام توحید نہیں، بلکہ اس کو تمام صفاتِ کمال میں یکتا و بے مثل ماننے اور اس کے سوا کسی مخلوق کو ان صفاتِ کمال میں اس کا سہیم شریک نہ سمجھنے کو توحید کہتے ہیں،

اللہ تعالیٰ کی صفات کمال، حیات ، علم، قدرت ، سمع ، بصر، اراده ، مشیت خلق ، رزق وغیرہ وہ ان سب صفات میں ایسا کامل ہے کہ اس کے سوا کوئی مخلوق کسی صفت میں اس کے برابر نہیں ہو سکتی،

(معارف القرآن جلد ٣ صفحہ ٣٤٤ )

عقیدۂ توحید انسان کو انسان بنانے کا واحد ذریعہ ہے جو انسان کی تمام مشکلات کا حل، اور ہر حالت میں اس کے لئے پناہ گاہ ہر غم و فکر میں اس کا غمگسار ہے بلکہ عقیدۂ توحید ہی دنیا میں امن امان اور چین و سکون کا ضامن ہے، موجودہ دور میں نت نئے فِرقِ باطلہ مختلف ناموں سے ظاہر ہورہے ہیں جو اہلِ ایمان کو عقیدۂ توحید و رسالت سے متنفر کررہے ہیں عقیدۂ توحید و رسالت ہی دین کی اساس اور بنیاد ہے اگر اسی میں ہی تزلزل پیدا ہوگیا تو سارے

اعمال اکارت ہوجائے گے اس لیے عقیدۂ توحید و رسالت پر ثبات قدمی کے ساتھ قائم رہے اور اپنی اولاد کے عقائد کی بھی فکر کریں خداوند قدوس کے خلیل حضرت ابراہیم علیہ السلام بارگاہِ ایزدی میں دعا کررہے ہیں کہ وَجْنُبْنِیْ وَ بَنِیَّ اَنْ نَعْبُدَ الْاَصْنَام ( مجھے اور میری اولاد کو شرک سے محفوظ رکھے) اس الفاظِ قرآنی پر غور کریں کہ جذبۂ خلّت سے سرشار حضرت ابراہیم علیہ السلام اپنی ذات اور اولاد (جو خود پیغمبر ہے) کے تئیں کس طرح فکرمند ہیں، حضرت ابراہیم علیہ السلام نے پوری زندگی عقیدۂ توحید کے تئیں قربانیوں کی نذر کردی، والدین، خاندان، قوم اور حکمرانِ وقت کی مخالفت مول لی، توحید ہی کی خاطر آگ میں کودنا قبول کیا، اپنے گھر کو چھوڑنا منظور کیا، وطن کو خیر باد کہا، لیکن شرک کو بہر طور مسترد کیا، پوری زندگی عجیب شانِ اطاعت سے گزاری بیوی بچے کو بے آب وگیاہ وادی میں چھوڑا، ذبحِ پسر تیار پر ہوگئے، مگر شرک کا ایسا خوک کہ بارگاہِ الہی میں دعا کے لیے ہاتھ اٹھیں تو اپنے لئے اور حضرت اسماعیل و حضرت اسحاق علیہما السلام جیسی برگزیدہ اولاد کے لیے شرک سے حفاظت کے لیے دعا مانگی، ہمارا زمانہ جتنا مشکوة نبوت سے دور ہوتا جائے گا، پے درپے فتنے رونما ہوتے رہے گے بلکہ بعض روایات میں حضور اکرم صلی اللہ علیہ وسلم نے ارشاد فرمایا کہ فتنوں کا نزول بارانِ رحمت کے قطروں کی طرح ہوگا جو انسانی کی عقلوں کو حیران کردے گا، اس لئے اپنی ذات کے ساتھ اپنی اولاد کے اعمال و عقائد کی بھی فکر کریں مکمّل ان کی نگرانی کریں، کس کا بیان سنتے ہیں، کن لوگوں کے ساتھ نشست برخاست ہے، اس بابت بھی مکمّل جانکاری رکھیں تاکہ اولاد کسی فتنہ میں مبتلا نہ ہوسکے، 

*منجانب ادارہ پیغامِ جامعی مالدہ شیوار مالیگاؤں*

تین روزہ عرس بزرگان دینالحمدللہ۔

شہر مالیگاؤں کی عظیم و قدیم خانقاہ مرکز روحانیت خانقاہ اشرفیہ حسنیہ سرکار کلاں خوشامد پورہ مالیگاؤں کے زیر اہتمام تین ،3روزہ پروگرام کے زریعے بارگاہِ بزرگان دین میں خراج عقیدت ۔بلخصوص ۔شہنشاہ ہندوستان خواجہ خواجگاں فخر ہندوستاں عطائے رسول سلطان الہند خواجہ معین الدین چشتی اجمیری رحمت اللہ علیہ۔وہ شیخ المشائخ مجدد سلسلہ اشرفیہ اعلی حضرت سید شا ہ علی حسین اشرفی میاں علیہ الرحمہ 

وہ مفسر قران ال رسول سید محمد اشرف اشرفی الجیلانی جیلانی۔حضورمحدث اعظم علیہ الرحمہ 

مخدوم المشائخ مرشد کامل حضرت سید محمد مختار اشرف اشرفی الجیلانی۔حضورسرکار کلاں علیہ الرحمہ وہ قطب مالیگاؤں فخر مالیگاؤں حضرت مولانا اسحاق بابا رحمت اللہ علیہ پیش کیا جائیگا حسب ذیل پروگرام کے زریعے 

بروز جمعہ10جنوری 9رجب المرجب رسم پرچم کشائی بعد نماز جمعہ وہ بعد نماز عصر ختم خواجگان خانقاہ اشرفیہ میں بعد نماز مغرب حلقہ ذکر لنگر چشتیہ اشرفیہ وہ بہ نماز عشاء سیرت بزرگان دین پر۔خطاب ۔مقرر خصوصی بحرالعلوم حضرت علامہ مولانا مفتی افتخار اشرفی جامعی شیخ الحدیث دارالعلوم اشرفیہ 

دوسرا پروگرام بروز سنیچر 11جنوری 10رجب المرجب 1446بعد نماز عشاء فورا ماہانہ محفل ختم غوثیہ شریف خانقاہ اشرفیہ میں 

تیسرا پروگرام 12جنوری11رجب المرجب بروز اتوار صبح 11بجےقرآن خوانی دارالعلوم اشرفیہ خوشامد پورہ میں وہ بعد نماز عصر قرآن خوانی خانقاہ اشرفیہ میں بعد نماز مغرب حلقہ ذکر وہ بعد نماز عشاء نعتیہ وہ منقبتی مشاعرہ نظامت محترم جناب ارشاد انجم چشتی صاحب ۔

لہذا تمام ہی عاشقان بزرگان دین سے گزارش کی جاتی ہے مذکورہ بالا تمام پروگرامات میں شرکت فرما کر کے بزرگان دین کے فیوض و برکات سے مالا مال ہوں اور ثواب دارین کے حقدار بنے ۔الداعیان ۔خادمین خانقاہ اشرفیہ حسنیہ سرکار کلاں خوشامد پورہ مالیگاؤں

ایچ ایم پی وی کتنا خطرناک؟ کتنی ہے ڈرنے کی بات؟ وزیر صحت جے پی نڈا نے سب کچھ کیا واضح

نئی دہلی : ہندوستان میں پیر کو ہیومن میٹاپنیووائرس (HMPV) کے کیسز سامنے آنے کے بعد لوگوں میں تشویش بڑھ گئی ہے۔ مرکزی وزیر صحت جے پی نڈا نے اس حوالے سے ایک بیان جاری کیا ہے۔ لوگوں سے پریشان نہ ہونے کی اپیل کرتے ہوئے انہوں نے کہا کہ حکومت صورتحال پر گہری نظر رکھے ہوئے ہے اور پریشان ہونے کی ضرورت نہیں ہے۔ انہوں نے کہا کہ HMPV کوئی نیا وائرس نہیں ہے اور ملک میں سانس کے کسی بھی مسئلے میں مبتلا مریضوں میں کوئی اضافہ نہیں دیکھا گیا ہے۔

جے پی نڈا نے ایک ویڈیو پیغام میں کہا کہ چین میں ایچ ایم پی وی کی حالیہ رپورٹس کے پیش نظر وزارت صحت، آئی سی ایم آر، ملک کی اعلیٰ صحت کی تحقیقی تنظیم اور نیشنل سینٹر فار ڈیزیز کنٹرول (این سی ڈی سی) چین اور دیگر پڑوسی ممالک میں صورتحال پر گہری نظر رکھے ہوئے ہیں۔ انہوں نے کہا کہ ڈبلیو ایچ او نے ‘صورتحال کا نوٹس لیا ہے اور وہ جلد ہی ہمارے ساتھ رپورٹ شیئر کرے گا’۔

صورتحال پر حکومت کی نظر

جے پی نڈا نے کہا کہ آئی سی ایم آر اور انٹیگریٹڈ ڈیزیز سرویلنس پروگرام کے پاس دستیاب سانس کے وائرس کے ملک کے اعداد و شمار کا بھی جائزہ لیا گیا ہے اور ہندوستان میں کسی بھی عام سانس کے وائرس کے پیتھوجینز میں کوئی اضافہ نہیں دیکھا گیا ہے۔ اس صورتحال کا جائزہ لینے کیلئے 4 جنوری کو ڈی جی ایچ ایس کی صدارت میں مشترکہ مانیٹرنگ میٹنگ کا اہتمام کیا گیا تھا۔

مرکزی وزیر صحت نے کہا کہ ملک کا صحت کا نظام اور نگرانی کا نیٹ ورک اس بات کو یقینی بنانے کے لیے چوکنا ہے کہ ملک صحت کے کسی بھی ابھرتے ہوئے چیلنج کا فوری جواب دینے کے لیے تیار ہے۔ پریشان ہونے کی ضرورت نہیں ہے، ہم صورتحال پر گہری نظر رکھے ہوئے ہیں۔ انہوں نے کہا کہ ماہرین صحت نے واضح کیا کہ ایچ ایم پی وی وائرس کوئی نیا وائرس نہیں ہے۔ اس کی شناخت پہلی بار 2001 میں ہوئی تھی اور پوری دنیا میں پھیل رہی ہے۔ نڈا نے کہا کہ HMPV سانس کے ذریعے ہوا کے ذریعے پھیلتا ہے۔ انہوں نے کہا کہ یہ ہر عمر کے لوگوں کو متاثر کر سکتا ہے۔ یہ وائرس سردیوں اور موسم بہار کے ابتدائی مہینوں میں زیادہ پھیلتا ہے۔

ہندوستان میں HMPV کے کتنے کیسز؟

صحت کے حکام کے مطابق کرناٹک میں دو شیر خوار، گجرات میں ایک شیر خوار اور تمل ناڈو میں دو بچے HMPV سے متاثر پائے گئے ہیں۔ ICMR نے کرناٹک میں دو HMPV کیسوں کا پتہ لگایا ہے۔

ہندوستان میں بڑھنے لگی تشویش،HMPV کے مزید دو کیس آئے سامنے، اب تک آئے ہیں کتنے کیسز اور کیا ہے یہ وائرس؟

HMPV Virus Cases in India: چین کے بعد اب HMPV وائرس نے ہندوستان میں بھی دستک دی ہے۔ HMPV یعنی ہیومن میٹاپنیووائرس ہندوستان میں تیزی سے پھیل رہا ہے۔ ہندوستان میں اس وقت ہلچل مچ گئی جب پیر کو ایک ہی دن میں HMPV کے پانچ کیسز پائے گئے۔ اس کی وجہ سے وزیر صحت جے پی نڈا کو خود بیان دینا پڑا۔ انہوں نے اہل وطن سے کہا کہ حکومت صورتحال پر گہری نظر رکھے ہوئے ہے۔ ابھی فکر کرنے کی کوئی بات نہیں ہے۔ ہندوستان میں پہلے ہی ایچ ایم پی وی وائرس کے پانچ کیسز پائے گئے ہیں۔ پیر کو کرناٹک میں ایچ ایم پی وی وائرس کے دو، گجرات میں ایک اور تمل ناڈو میں دو مریض پائے گئے۔ آج منگل کو بھی دو نئے کیس سامنے آئے ہیں۔ اس طرح چین سے پھیلنے والی نئی بیماری HMPV نے ہندوستان میں بھی تناؤ بڑھا دیا ہے۔ ہندوستان میں اب تک جتنے بھی کیسز پائے گئے ہیں ان میں سے سبھی متاثرہ بچے ہیں۔ آئیے جانتے ہیں کہ ہندوستان اور چین میں HMPV وائرس سے متعلق تازہ ترین اپ ڈیٹس کیا ہیں۔

HMPV وائرس پر بھارتی حکومت نے کیا کہا؟

ہندوستان میں ہیومن میٹاپنیووائرس (HMPV) کے کیس رپورٹ ہونے کے بعد مرکزی وزیر صحت جے پی نڈا نے پیر کو کہا کہ حکومت صورتحال پر گہری نظر رکھے ہوئے ہے اور تشویش کی کوئی وجہ نہیں ہے۔ انہوں نے کہا کہ ایچ ایم پی وی کوئی نیا وائرس نہیں ہے اور ملک میں سانس کے عام وائرس پیتھوجین میں کوئی اضافہ نہیں دیکھا گیا ہے۔ جے پی نڈا نے ایک ویڈیو پیغام میں کہا کہ چین میں ایچ ایم پی وی کی حالیہ خبروں کے پیش نظر، وزارت صحت، آئی سی ایم آر، ملک کی اعلیٰ صحت کی تحقیقی تنظیم اور نیشنل سینٹر فار ڈیزیز کنٹرول (این سی ڈی سی) صورتحال پر گہری نظر رکھے ہوئے ہیں۔ انہوں نے کہا کہ ڈبلیو ایچ او نے صورتحال کا نوٹس لیا ہے اور جلد رپورٹ ہمارے ساتھ شیئر کرے گا۔

ہندوستان میں بچے HMPV کے شکار

ہندوستان میں بچوں میں ہیومن میٹاپنیووائرس (HMPV) کے انفیکشن کے سات واقعات رپورٹ ہوئے ہیں، جن کی تصدیق بنگلورو، ناگپور، تمل ناڈو اور احمد آباد میں ہوئی ہے۔

HMPV، ایک عام سانس کا وائرس جو سردی کی طرح اوپری سانس کی نالی کے انفیکشن کا سبب بنتا ہے۔ بنیادی طور پر چھوٹے بچوں، بوڑھوں اور کمزور مدافعتی نظام والے افراد کو متاثر کرتا ہے، خاص طور پر سردیوں کے مہینوں میں۔ یہ امیونوکمپرومائزڈ افراد کے لیے سنگین خطرات کا باعث بن سکتا ہے۔

چین میں سانس کی بیماریوں میں اضافے کے درمیان ہندوستان میں HMPV انفیکشن کے کیس رپورٹ ہوئے ہیں۔ تاہم، وزارت صحت نے عوام کو یقین دلایا ہے کہ صورتحال زیر نگرانی ہے اور کووڈ 19 جیسے پھیلنے کا کوئی خطرہ نہیں ہے۔