بی جے پی-جے ڈی یو میں کابینہ توسیع پراتفاق، 12 نئے چہرے ہوسکتے ہیں شامل، کسی مسلم کو شامل کئے جانے پر تعطل برقرار
نئی دہلی: بہارمیں نئی حکومت کی تشکیل 20 نومبر 2025 کوہوئی تھی۔ اسی دن نتیش کمار نے دسویں بار بہارکے وزیراعلیٰ عہدے کا حلف لیا تھا۔ اب نتیش حکومت کے کابینہ توسیع کی تیاری شروع ہوگئی ہے۔
ایسا مانا جا رہا ہے کہ جنوری کے پہلے ہفتے میں بہارکابینہ کی توسیع ہوسکتی ہے۔ اس سے متعلق این ڈی اے کی اتحادی پارٹیوں میں بھی رضا مندی بن گئی ہے۔ کابینہ توسیع سے متعلق قیاس آرائیاں تیزہوگئی ہیں۔ جنوری میں بہارکابینہ میں خالی عہدوں کوبھرنے کے لئے توسیع ہوگی۔ بی جے پی اور جے ڈی یوقیادت کے درمیان بہارکابینہ کی توسیع سے متعلق رضا مندی بن گئی ہے۔ ابھی نتیش کابینہ میں وزیراعلیٰ سمیت 24 وزرا ہیں جبکہ کل 36 وزیربنائے جاسکتے ہیں۔ ایسے میں ابھی 11 سے 12 نئے وزیرشامل ہوسکتے ہیں۔
نئی دہلی: وزارت دفاع کی اعلیٰ ترین خریداری کمیٹی، ڈیفنس ایکوزیشن کونسل (DAC)، آج ایک اہم اجلاس منعقد کرنے جا رہی ہے جس میں بھارتی مسلح افواج کے لیے کئی بڑے دیسی دفاعی منصوبوں کو منظوری دیے جانے کا امکان ہے۔ ان منصوبوں میں دہلی این سی آر کو فضائی خطرات سے محفوظ رکھنے کے لیے ایک مکمل طور پر مقامی سطح پر تیار کردہ مربوط فضائی دفاعی ہتھیاروں کا نظام بھی شامل ہے۔
نئی دہلی: کینیڈا کے شہر ٹورنٹو میں گزشتہ چھ دنوں کے دوران دو بھارتی شہریوں کے قتل نے بھارتی برادری میں شدید تشویش اور غم کی لہر پائی جارہی ہے۔ ایک واقعے میں 30 سالہ بھارتی خاتون ہیمانشی کھورانہ کی لاش ایک گھر کے اندر سے ملی، جب کہ دوسرے واقعے میں 20 سالہ بھارتی میڈیکل طالب علم شیوانک اوستھی کو گولی مار کر ہلاک کر دیا گیا۔ دونوں واقعات نے نہ صرف کینیڈا میں مقیم بھارتیوں کو خوفزدہ کر دیا ہے، بلکہ بیرونِ ملک طلبہ کی سلامتی پر بھی سوالات کھڑے کر دیے ہیں۔ہیمانشی کھورانہ، جو ٹورنٹو میں رہائش پذیر تھیں اور سوشل میڈیا پر ڈیجیٹل کنٹینٹ کریئیٹر کے طور پر سرگرم تھیں، 19 دسمبر 2025 کی رات تقریباً 10 بج کر 41 منٹ پر لاپتہ ہوگئیں۔ ان کے لاپتہ ہونے کی رپورٹ درج کرائی گئی،قابل ذکر بات یہ ہےکہ اگلی صبح 20 دسمبر کو تقریباً 6 بج کر 30 منٹ پر ان کی لاش اسٹریچن ایونیو اور ویلنگٹن اسٹریٹ ویسٹ کے علاقے میں ایک مکان کے اندر سے برآمد ہوئی۔ ٹورنٹو پولیس نے ابتدائی تحقیقات کے بعد اس موت کو قتل قرار دیا اور باقاعدہ تفتیش شروع کر دی۔
وزیراعظم مودی سے نتیش کمارکی ملاقات
فضائیہ کے لیے جدید میزائل نظام، وزارت دفاع آج بڑے دیسی دفاعی منصوبوں کو دے سکتی ہے منظوری
بھارتی فوج کے لیے ڈرون اور لوئٹرنگ میونیشنز
اجلاس میں بھارتی فوج کی ڈرون صلاحیتوں میں اضافے کے تحت تقریباً 850 لوئٹرنگ میونیشنز کی خریداری پر بھی فیصلہ متوقع ہے۔ ان ہتھیاروں کا مقصد میدان جنگ میں نگرانی اور ہدف کو نشانہ بنانے کی صلاحیت کو مزید مؤثر بنانا ہے۔
بحریہ کے لیے فضائی دفاعی نظام
بھارتی بحریہ کی جانب سے جنگی جہازوں کو فضائی خطرات سے محفوظ رکھنے کے لیے درمیانی فاصلے تک مار کرنے والے زمین سے فضا میں مار کرنے والے میزائل (میڈیم رینج سرفیس ٹو ایئر میزائل) نظام کی بڑی تعداد میں دیسی ذرائع سے خریداری کی تجویز بھی زیرِ غور آنے کی امید ہے۔
سی گارڈین ڈرونز پر فیصلہ متوقع
اجلاس میں امریکہ سے تقریباً تین سال کے لیے دو سی گارڈین MQ-9B ہائی آلٹی ٹیوڈ لانگ اینڈیورنس ڈرونز کو لیز پر لینے کے معاملے پر بھی غور کیا جا سکتا ہے۔ واضح رہے کہ بھارت پہلے ہی 31 ایسے ڈرونز کی خریداری کا معاہدہ کر چکا ہے، جن کی ترسیل 2028 سے شروع ہونے کی توقع ہے۔
فضائیہ کے لیے جدید میزائل نظام
وزارت دفاع بھارتی فضائیہ کے لیے 200 کلومیٹر سے زائد مار کرنے والے آسترا مارک-2 فضا سے فضا میں مار کرنے والے میزائلوں کی بڑی تعداد کی تیاری اور خریداری کو بھی منظوری دے سکتی ہے۔ اس کے ساتھ ساتھ مخصوص تعداد میں میٹیور فضا سے فضا میں مار کرنے والے میزائلوں کی خریداری پر بھی غور متوقع ہے۔
ٹینکوں کی مرمت اور جدید کاری
بھارتی فوج نے 200 ٹی-90 ٹینکوں کی دیسی سطح پر مرمت اور اوورہالنگ کی تجویز بھی پیش کی ہے، جسے دفاعی شعبے کے سرکاری ادارے کے ذریعے انجام دیا جائے گا۔
دیگر اہم دفاعی تجاویز
اجلاس میں بھارتی فضائیہ کے لیے اسرائیل سے اسپائس-1000 فضا سے زمین پر مار کرنے والے میزائلوں کی بڑی تعداد کی خریداری پر بھی بات چیت ہو سکتی ہے۔ اس کے علاوہ فضا میں ایندھن فراہم کرنے والے چھ طیاروں کی خریداری کا معاملہ بھی زیر غور آئے گا، جس میں اسرائیلی ایئرکرافٹ انڈسٹریز واحد سپلائر کے طور پر شامل ہے۔
پینا کا راکٹ نظام کی توسیع
ڈیفنس ایکوزیشن کونسل 120 کلومیٹر تک مار کرنے والے پناکا راکٹوں کی تیاری اور منظوری پر بھی غور کر سکتی ہے۔ یہ راکٹ اسی لانچر سے فائر کیے جا سکیں گے جو 45 اور 80 کلومیٹر رینج والے پناکا راکٹوں کے لیے استعمال ہوتا ہے۔
کینیڈا کے ٹورنٹو میں ہمانشی کُھرانہ کے بعد شِوانک اوستھی کا گولی مار کر قتل
پولیس کے مطابق یہ واقعہ قریبی تعلقات میں تشدد، یعنی انٹی میٹ پارٹنر وائلنس کا معاملہ ہو سکتا ہے، کیونکہ مقتولہ اور مشتبہ شخص ایک دوسرے کو پہلے سے جانتے تھے۔ اس کیس میں 32 سالہ ٹورنٹو کے رہائشی عبدالغفور کے خلاف فرسٹ ڈگری مرڈر کا مقدمہ درج کیا گیا ہے اور پورے کینیڈا میں اس کی گرفتاری کا وارنٹ جاری کر دیا گیا ہے۔ پولیس عوام سے اپیل کر رہی ہے کہ اگر کسی کے پاس ملزم سے متعلق کوئی اطلاع ہو تو فوراً رابطہ کریں۔ یہ ٹورنٹو میں سال 2025 کی 40ویں قتل کی واردات تھی۔دوسری جانب 23 دسمبر 2025 کو ایک اور دل دہلا دینے والا واقعہ پیش آیا، جس میں 20 سالہ بھارتی طالب علم شیوانک اوستھی کو گولی مار کر قتل کر دیا گیا۔ شیوانک یونیورسٹی آف ٹورنٹو کے اسکاربرو کیمپس میں لائف سائنسز میں پی ایچ ڈی کر رہے تھے۔ یہ واقعہ سہ پہر تقریباً 3 بج کر 34 منٹ پر ہائی لینڈ کریک ٹریل اور اولڈ کنگسٹن روڈ کے قریب پیش آیا، جو کیمپس کے نہایت قریب واقع ہے۔ اطلاع ملتے ہی پولیس موقع پر پہنچی، مگر شیوانک زخموں کی تاب نہ لاتے ہوئے موقع پر ہی دم توڑ چکے تھے۔ حملہ آور پولیس کے پہنچنے سے قبل فرار ہو گئے۔
تحقیقات کے دوران یونیورسٹی کیمپس میں عارضی لاک ڈاؤن نافذ کر دیا گیا۔ پولیس نے شیوانک کی تصویر جاری کرتے ہوئے عوام سے تعاون کی اپیل کی ہے۔ یہ ٹورنٹو میں سال 2025 کی 41ویں قتل کی واردات تھی۔ٹورنٹو میں بھارتی قونصل خانے نے دونوں واقعات پر گہرے رنج و غم کا اظہار کیا ہے اور کہا ہے کہ وہ متاثرہ خاندانوں سے مسلسل رابطے میں ہیں اور کینیڈین حکام کے ساتھ مل کر ہر ممکن مدد فراہم کر رہے ہیں۔ تاہم پولیس نے واضح کیا ہے کہ دونوں قتل کے واقعات کے درمیان کسی قسم کا کوئی تعلق سامنے نہیں آیا ہے اور دونوں کی الگ الگ تحقیقات جاری ہیں۔ اس کے باوجود ان واقعات نے کینیڈا میں مقیم بھارتی طلبہ اور کمیونٹی کے درمیان عدم تحفظ کا احساس مزید گہرا کر دیا ہے۔
