صوفی نورالعین صابری و رفقائے کار کا سِکھ مسلم سانجھا فاؤنڈیشن نے خیرمقدم کیا
مالیگاؤں ( نامہ نگار ) : آل انڈیا سنی جمعیتہ الاسلام ریلیف کمیٹی کے زیرِ اہتمام سیلاب زدہ پنجاب کے سرحدی خطے میں حضرت سید محمد ثاقب میاں نقشبندی ابن حضرت سید صادق رضا نقشبندی مجددی کے دست مبارک سے نقد ریلیف تقسیم کاری کا سلسلہ جاری ہے ۔ اس سلسلے میں صوفی نورالعین صابری نے بتایا کہ سرہند شریف میں واقع آستانہ عالیہ ، خانقاہ و بارگاہ حضرت شیخ احمد فاروقی حنفی سرہندی المعروف حضرت مجدد الف ثانی رحمتہ اللہ علیہ کے سجادہ نشین حضرت سید محمد صادق رضا نقشبندی مجددی سے الحاج عبدالمجید نوری بکھار والے کے توسط سے رابطہ ہوا اور یہ طے پایا کہ ریلیف تقسیم کاری کا عمل بارگاہِ مجدد الف ثانی رحمتہ اللہ علیہ سے ہوگا۔ صوفی نورالعین صابری نے کہا کہ پنجاب کے امرتسر میں واقع کمالی پور سرحدی بستی ہے ۔ یہاں درجنوں خاندان سکونت رکھتے ہیں ۔ انڈیا پاکستان بارڈر پر انڈیا کی سرحد میں بسے کمالی پور کی فوجی چھاونی میں آل انڈیا سنی جمعیتہ الاسلام ریلیف کمیٹی کے وفد نے حاضری لگائی ۔ انتہائی سخت حفاظتی انتظامات نظر آئے ۔ مقامی افراد میں سِکھوں کی کثرت ہے جبکہ گوجر برادری بھی آباد ہے ۔ سیلابی پانی میں کھیتوں میں لگی فصل تباہ ہو گئی ۔ جھوپڑے مکانات پھُوس کے جھپر بہہ گئے ۔ مویشی ، انسان اور زراعت کے سامان نذرِ سیلاب ہوگئے ۔ آل انڈیا سنی جمعیتہ الاسلام ریلیف کمیٹی مالیگاؤں کی جانب سے متاثرہ درجنوں خاندانوں میں نقد ریلیف بانٹی گئی ۔ اس اہم کام میں سِکھ مسلم سانجھا فاؤنڈیشن پنجاب کے ڈاکٹر نصیر عالم اور فاؤنڈیشن کے کارکنان ڈاکٹر اسماعیل اور محمد عثمان نے آل انڈیا سنی جمعیتہ الاسلام ریلیف کمیٹی کی پوری مدد کی ۔ آل انڈیا سنی جمعیتہ الاسلام ریلیف کمیٹی کے کارکنان حافظ عرفان رضا اور محمد رمضان محمد عباس وغیرہ سِکھ مسلم سانجھا فاؤنڈیشن کے کارکنان کے ساتھ سروے اور تقسیم کاری کے عمل میں پوری طرح شریک رہے ۔ آل انڈیا سنی جمعیتہ الاسلام ریلیف کمیٹی مالیگاؤں کے مددگار درگاہ حضرت معصوم شاہ کٹی ٹرسٹ صوفی جمیل احمد قادری، صوفی بلال احمد صابری،نوجوانانِ رمضان پورہ دیانہ مولانا امتیاز قدیری، کارپوریٹر شاہد ریشم والا ، آئی ایم گروپ مچھلی بازار کے ہاشم رضا و گروپ ، نوجوانان شہید عبد الحمید روڈ گروپ و فاروق بھائی ، فیض رضا گروپ ، ایس کے جمخانہ گروپ جمیل بھائی ، ریڈی میڈ گروپ سیلانی چوک ، مساجد کے ٹرسٹیان اور امام صاحبان کیلئے سیلاب متاثرین سے دعائیں کرنے کی درخواست کی گئی ۔
سریم کورٹ میں آج اچانک افراتفری مچ گئی۔دراصل ایک وکیل نے سی جے آئی بی آر گوئی پر جوتا پھینکنے کی کوشش کی لیکن وہاں موجودسکیورٹی اہلکاروں نےاسے دبوچ لیا۔ذرائع کے مطابق، ملزم نے کہا کہ ہم سناتن کی توہن برداشت نہیں کریں گے۔
ملزم کی شناخت راکیش کشور کی حیثیت سے کی گئی ہے ۔ سپریم کورٹ میں موجود پولیس نے انہیں فوری طور پر حراست میں لے لیا اور تفتیش کی جارہی ہے۔ نئی دہلی ضلع کے ڈی سی پی اور سپریم کورٹ کے ڈی سی پی بھی جائے وقوع پرپہنچ گئے ہیں ۔
یہ واقعہ اس وقت پیش آیا جب سی جے آئی کی سربراہی والی بنچ وکلاء کے مقدمات کی سماعت کر رہی تھی۔ بتایا جاتا ہے کہ، وکیل راکیش کشور ،جج کے ڈائس کے قریب پہنچ کر جوتا پھینکنے کی کوشش کی لیکن سیکورٹی اہلکاروں نے اسے بروقت روک لیا۔ جیسے ہی سیکورٹی اہلکار ملزم وکیل کو باہر لے گئے، وہ’ہم سناتن دھرم کی توہین برداشت نہیں کریں گے کے نعرے لگارہے تھے
اس پورے واقعے کے دوران،سی جے آئی گوئی پرسکون رہے اور عدالتی کارروائی جاری رکھنے کی ہدایت دی۔ انہوں نے کہا کہ اس طرح کی باتوں کا ان پر اثرنہیں پڑتا۔
واقعے کو 16 ستمبر کو سی جے آئی گوئی کے تبصروں سے جڑا مانا جارہا ہے، جب سپریم کورٹ نے مدھیہ پردیش کے کھجوراہو کے جواری مندر میں بھگوان وشنو کی سات فٹ اونچی مورتی کو دوبارہ نصب کرنے کی عرضی کو مسترد کرتے ہوئے اسے ’پبلسٹی لٹیگیشن انٹرسٹ‘ قراردیا تھا۔
صحت مند زندگی گزارنے کے لیے سردی کے موسم میں سنگترے کا استعمال بہت فائدہ مند سمجھا جاتا ہے۔ ڈائیٹشین نشا ٹنڈن کا کہنا ہے کہ سردیوں کے موسم میں نارنجی کھانے سے وزن کم کرنے میں بھی مدد ملتی ہے۔ اس کے استعمال سے قوت مدافعت میں اضافہ کیا جا سکتا ہے۔ اس سے سردیوں کے موسم میں انفیکشن، سردی اور وائرل بیماریوں کا خطرہ کم ہوجاتا ہے۔
شکرقندی میں وٹامن اے، وٹامن سی، وٹامن بی اور وٹامن ڈی اچھی مقدار میں پائے جاتے ہیں۔ اس لیے سردی کے دنوں میں اس پھل کو خوراک میں شامل کرنا بہت فائدہ مند ہوگا۔ شکرقندی کھانے سے آپ دل کی کئی بیماریوں سے خود کو دور رکھ سکتے ہیں۔ شکر قندی آئرن کی کمی کو بھی دور کرتا ہے۔ اس سے نظام ہاضمہ بھی مضبوط ہوتا ہے۔
بہت سے لوگوں کا خیال ہے کہ امرود کھانے سے سردی ٹھیک ہو جاتی ہے۔ جبکہ امرود وٹامن سی، اے، ای، فائبر، آئرن، کیلشیم، مینگنیز اور دیگر کئی معدنیات کا ذخیرہ ہے۔ اگر آپ روزانہ ایک امرود کھاتے ہیں۔ تو یہ آپ کی قوت مدافعت کو مضبوط کرے گا۔ ایسا کرنے سے آپ اپنے جسم کو سردی اور کھانسی کے اثرات سے بچا سکتے ہیں۔
انار خون کو پتلا کرنے کے لیے جانا جاتا ہے، خون کی کمی کو بھی پھل سے پورا کیا جاتا ہے۔ اس کا استعمال خون کے جمنے کو روکتا ہے۔ یہی وجہ ہے کہ یہ پھل فالج کا خطرہ کم کرتا ہے۔ سردیوں کے موسم میں لوگ اکثر بیمار پڑ جاتے ہیں۔ ایسی صورتحال میں قوت مدافعت کو مضبوط بنانے کے لیے اس پھل کو اپنی خوراک میں شامل کرنا چاہیے۔
ناشپاتی ذیابیطس کے مریضوں کے لیے بہت فائدہ مند ہے۔ اس پھل میں فائبر کی وافر مقدار پائی جاتی ہے۔ یہی وجہ ہے کہ اس سے پیٹ زیادہ دیر تک بھرا رہتا ہے۔ اس میں کیلوریز کی مقدار بھی کم ہوتی ہے۔ اس لیے یہ پھل وزن کم کرنے کے سفر میں بھی بہت فائدہ مند ہے۔ یہ پھل وزن کم کرنے میں مددگار ہے۔
سردی کے دنوں میں موسمی بھی بہت فائدہ مند ہوتا ہے۔ سردی کے دنوں میں یہ پھل جسم کو انفیکشن سے لڑنے کی طاقت دیتا ہے۔ موسمی پھلوں میں آئرن، کیلشیم، پوٹاشیم، فاسفورس اور میگنیشیم جیسے غذائی اجزاء موجود ہوتے ہیں۔ اگرچہ موسمی پھلوں کی نوعیت سرد ہوتی ہے لیکن دھوپ میں بیٹھ کر اس پھل کو کھانے کی کوشش کرنی چاہیے۔ ایسا کرنے سے سردیوں میں بھی موسمی پھل کھانے سے انفیکشن سے بچا جا سکتا ہے۔
