نئی دہلی : ممبئی حملوں کے ماسٹر مائنڈ سمجھے جانے والے پاکستانی نژاد کینیڈین دہشت گرد تہور رانا کو جلد ہی امریکہ سے ہندوستان لایا جا سکتا ہے۔ امریکی عدالت نے 26/11 ممبئی حملے کی سازش میں ملوث رانا کی حوالگی کے لیے گرین سگنل دے دیا ہے۔ نیوز 18 کے پاس امریکی عدالت کے حکم کی کاپی ہے۔ امریکی عدالت نے تہور رانا کی ہندوستان حوالگی کی راہ میں حائل آخری رکاوٹ بھی ختم کر دی ہے۔ اب تہور رانا کو ہندوستان لانے کی تیاریاں شروع ہو سکتی ہیں۔ اگر دیکھا جائے تو تہور رانا کے معاملے میں امریکی عدالت میں ہندوستان کی یہ بڑی فتح ہے۔
اگست 2024 میں ایک امریکی عدالت نے رانا کو ہندوستان - امریکہ حوالگی معاہدے کے تحت ہندوستان بھیجنے کا حکم دیا تھا۔ رانا پر ڈیوڈ ہیڈلی کی مدد کرنے کا بھی سنگین الزام ہے، جس پر ممبئی حملوں کے لیے جگہوں کا ریکی کرنے کا الزام ہے۔ تہور رانا نے حملے کے ایک اور ماسٹر مائنڈ ڈیوڈ کولمین ہیڈلی کو ممبئی میں اہداف کی ریکی میں مدد کی تھی۔ ہندوستان نے 26/11 کے حملوں میں نشانہ بنائے گئے اہداف کی ریکی کے بڑے شواہد اکٹھے کر لئے ہیں۔ ہندوستان نے امریکی عدالت میں اس کیس کے مضبوط ثبوت پیش کیے، جس میں رانا کا دہشت گردی کی سازش میں ملوث ہونا صاف نظر آرہا تھا۔
تہور رانا کو امریکی سیکورٹی اداروں نے 2009 میں شکاگو سے گرفتار کیا تھا۔ رانا کو ایف بی آئی نے ممبئی دہشت گردانہ حملوں کے ایک سال بعد پاکستان کے حمایت یافتہ نیٹ ورک کا حصہ ہونے کے الزام میں پکڑا تھا۔ تہور رانا پر پاکستانی خفیہ ایجنسی آئی ایس آئی اور دہشت گرد تنظیم لشکر طیبہ سے وابستہ ہونے کا الزام ہے۔ رانا کو پاکستان کی خفیہ ایجنسی آئی ایس آئی اور دہشت گرد تنظیم لشکر طیبہ کا آپریٹو بتایا گیا ہے۔
تہور رانا 15 سال پہلے شکاگو میں ٹریول ایجنسی چلا رہا تھا ۔ پھر اس نے اور اس کے دوست ڈیوڈ کولمین ہیڈلی نے ممبئی پر دہشت گردانہ حملے کرنے کے لیے ممبئی میں مقامات اور لینڈنگ زونز کی ریکی کی۔ تفتیش کاروں کے مطابق بھیانک حملہ کو انجام دینے والے پاکستانی دہشت گردوں نے ایک بلیو پرنٹ تیار کیا تھا۔ اس کو بنانے میں رانا کا ہاتھ تھا۔ رانا اور ڈیوڈ ہیڈلی پر حملے میں مدد کرنے اور دہشت گردی کی سازش رچنے کا الزام ہے۔
