الحمدللہ مورخہ 12ستمبـــر بروز جمعہ بعد نماز جمعہ دوپہر میں ٹھیک ساڑھے تین بجے نئے تعــــــزیہ گھر کا افتتـــــاح مالیگاؤں مونسپل کارپوریشن کے کمشنر *سری روینــ۔۔۔۔۔در جادھو صاحب* کے ہاتھوں سے ہوگا
اس پروگرام کی صدارت *محترم جناب مختـ۔۔۔۔۔ــار احمد صفوی* صاحب فرمائیں گے
مہمان خصوصی
عبد المـــ۔۔۔۔۔۔۔ــاجــ۔۔۔۔ــد شکاری اشرفی صاحب
پوار واری پولیس اسٹیشن کے پی آئے سری خطــ۔۔۔۔۔۔۔ــاڑ صاحب
قلعہ پولیس اسٹیشن کے پی آئے سری سدھـ۔۔۔۔۔۔ــیر پاٹل صاحب
جاوید سیٹھ زمین والے
صوفی اسمعیل قدیری صاحب
صوفی مختار شمسی صاحب
صوفی نفیس احمد شمشی صاحب
صوفی رضوان چشتی صاحب
بشـ۔۔۔۔۔۔۔۔۔ــیراحمد نبی پہلوان ، کیول اپا اہیرے (امن کمیٹی)
دعائے بدست
حافظ *شبـ۔۔۔۔۔۔۔ـیر احمد اشرفی صاحب (خطیب و امام امام حسین عیدگاہ)*
تمام *ہی عاشقان اہل بیت و تعزیہ* *دران سے گزارش ہے کہ وقت کا خاص خیال رکھتے ہوئے تعزیہ گھر پہنچنے کی کوشش کریں*
الداعی / *شہر تعزیہ کمیٹی مالیگاؤں*
بارش اور سیلاب سے مرکز کےزیرانتظام علاقےجموں کشمیرمیں بھاری تباہی ہوئی ہے۔ بادل پھٹنے،لینڈ سلائڈنگ اوربارش سے جڑے مختلف حادثات میں متعددہلاکتیں ہوئیں ہیں۔
کئ افراد زخمی بھی ہوئے ہیں۔گھروں، مویشیوں کے شیلٹر س بھی تباہ ہوئے ہیں ۔ فصلوں اور زرعی اراضی کو بھی بھاری نقصان پہنچا ہے ۔
کاشت کار،باغبان اورزرعی شعبے سے وابستہ افراد پریشان ہیں ۔
متاثرین کی آواز ارباب اقتدارتک پہنچانے کی نیوز18 جے کے ایل ایچ نے مہم شروع کی ہے۔
اگر آپ بھی سیلاب متاثرہ ہیں اوراپنی بات NEWS18 JKLH کےتوسط حکومت تک پہنچانا چاہتے ہیں تو ہمیں فون کال ،میسیج اور وائس ایپ کریں ۔ہیلپ لائن نمبر 8588807143ہے۔
ملک میں شدید بارش کے سبب کئی ریاستیں پہلے ہی سیلاب کی زد میں ہیں ۔ مرکزی حکومت کے علاوہ ریاستی حکومتیں بھی اس آفت سے نمٹنے میں مصروف ہیں۔ تاہم اب ایک بار پھر وزارت صحت کی جانب سے تمام ریاستوں کے وزرائے اعلیٰ کو ایڈوائزری جاری کی گئی ہے اور انہیں ذاتی سطح پر بھی الرٹ رہنے کو کہا گیا ہے۔ ایسے میں سوال یہ پیدا ہوتا ہے کہ کیا پھر کوئی بڑا خطرہ آنے والا ہے یا کورونا جیسی وبا پھیل رہی ہے؟ آئیے جانتے ہیں۔
جمعرات کو وزارت صحت نے تمام ریاستوں کے وزرائے اعلیٰ کو ایک ایڈوائزری جاری کر کے آئندہ مہینوں میں الرٹ رہنے کو کہا ہے۔ اس دوران، تمام ریاستوں کو ڈینگو اور ملیریا کے خلاف احتیاطی تدابیر کرنے اور کمیونٹی سطح پر بیداری بڑھانے کا مشورہ دیا گیا ہے۔ یہ حکم 11 ستمبر کو وزیر صحت جے پی نڈا کے ذریعہ ملک میں ڈینگو ملیریا کے معاملات کی جائزہ میٹنگ کے بعد جاری کیا گیا ہے۔
آپ کو بتا دیں کہ تمام ریاستوں کے وزرائے اعلیٰ کو ذاتی طور پر صورتحال کا معائنہ کرنے اور 20 دنوں کے اندر ایکشن پلان تیار کرنے کو کہا گیا ہے۔ بلدیاتی اداروں، میونسپل کارپوریشنوں اور نگر پنچایتوں سے کہا گیا ہے کہ وہ عام لوگوں میں بیداری پھیلائیں۔ اتنا ہی نہیں ، مرکزی حکومت کے تحت تمام سرکاری اسپتالوں میں مناسب ادویات، جانچ کی سہولیات، بستر اور مچھروں سے پاک ماحول تیار کرنے کے احکامات جاری کیے گئے ہیں۔
خاص طور پر دہلی۔این سی آر میں ڈینگو اور ملیریا کی صورتحال سے نمٹنے کے لیے ایک اعلیٰ سطح کی میٹنگ ہوئی ہےتاکہ آنے والے دنوں میں ان بیماریوں کی تباہ کاریوں کو روکا جا سکے۔
آپ کو بتاتے چلیں کہ بارش کے موسم میں پانی بھر جانے کی وجہ سے مچھروں کی افزائش ہو رہی ہے۔ یہ مچھر ہر سال ڈینگو، ملیریا، چکن گنیا جیسی بیماریوں کا سبب بنتے ہیں ۔ تاہم وزارت صحت نے کہا کہ ہندوستان نے ملیریا پر قابو پانے میں کافی پیش رفت کی ہے۔ سال 2015 اور 2024 کے درمیان ملک میں ملیریا کے کیسز میں 78 فیصد کمی آئی ہے، یہی نہیں ملیریا سے ہونے والی اموات میں بھی فرق آیا ہے۔ اس کے ساتھ ہی 2022 سے 2024 کے درمیان ملک کے 160 اضلاع میں ملیریا کا ایک بھی مریض نہیں ملا۔ جبکہ 33 ریاستوں اور مرکز کے زیر انتظام علاقوں میں ایک سے بھی کم معاملے سامنے آئے ہیں ۔ ہندوستان نے 2030 تک ملک کو ملیریا سے پاک بنانے کا ہدف طے کیا ہے۔
جموں و کشمیر : ڈوڈہ میں مسجد کے پاس دھماکہ، دو مشتبہ حراست میں، علاقہ میں خوف و ہراس
جموں و کشمیر کے ڈوڈا ضلع میں جمعرات کو ایک مشتبہ دھماکے سے علاقے میں سنسنی پھیل گئی ۔ دھماکہ ڈوڈہ شہر کے علاقے ڈومری محلہ میں ہوا جو جامع مسجد کے قریب ہے ۔ پولیس نے پورے علاقے کو گھیرے میں لے لیا ہے اور دو افراد کو حراست میں لے کر ان سے پوچھ گچھ شروع کر دی ہے ۔ اطلاعات کے مطابق دھماکا جاوید احمد اور مظفر احمد کے گھر کے اندر ہوا ۔ اچانک دھماکے سے گھر میں افراتفری مچ گئی ۔ مقامی لوگوں نے خوفزدہ ہوکر فوری پولیس کو اطلاع دی۔
پولیس کی ابتدائی تفتیش میں یہ بات سامنے آئی ہے کہ ممکنہ طور پر دھماکے میں خام دھماکہ خیز مواد استعمال کیا گیا تھا۔ پولیس نے فرانزک ٹیم کو موقع پر بلایا ہے جو جائے وقوعہ سے شواہد اکٹھے کر رہی ہے۔ جانچ کے بعد ہی واضح ہوسکے گا کہ دھماکے کی اصل وجہ کیا تھی
واقعہ کی اطلاع ملتے ہی ڈوڈہ پولیس کی ٹیمیں فوری طور پر موقع پر پہنچ گئیں اور پورے علاقے کو گھیرے میں لے کر تلاشی مہم شروع کر دی۔ فرانزک ماہرین دھماکے کی نوعیت اور استعمال ہونے والے دھماکہ خیز مواد کی نوعیت جاننے کی کوشش کر رہے ہیں۔
پولیس نے اس واقعے کے سلسلے میں اب تک دو افراد کو حراست میں لیا ہے ۔ دونوں سے پوچھ گچھ کی جا رہی ہے۔ پولیس حکام کا کہنا ہے کہ جانچ مکمل ہونے تک کسی نتیجے پر پہنچنا قبل از وقت ہوگا تاہم کیس کی تمام زاویوں سے تفتیش کی جارہی ہے۔
دھماکہ مسجد کے قریب ہونے سے پورے علاقے میں خوف کی فضا ہے۔ لوگوں کو خدشہ ہے کہ شاید یہ کسی بڑی سازش کا حصہ ہو۔ تاہم پولیس نے لوگوں سے امن برقرار رکھنے اور افواہوں پر دھیان نہ دینے کی اپیل کی ہے۔
