*🔴سیف نیوز اردو*

*’’بلڈوزر کارروائی سے انصاف کا نظام تباہ ہوگا ‘*

*🔴سپریم کورٹ کے جج اجل بھوئیاں کا خطاب۔*

*پونے کے بھارتیہ ودیا پیٹھ نیو لاء کالج میں سپریم کورٹ کے جج اجل بھوئیاں کا خطاب۔*

 سپریم کورٹ کے جج جسٹس اجل بھوئیاں نےاسکی شدید مذمت کی ہے۔انہوںنے بلڈوزر کارروائی کو آئین کو منہدم کرنے کے مترادف قرار دیتے ہوئے خبردار کیا کہ اگر اس رحجان کو نہیں روکا گیا تواس سے انصاف کا نظام بھی تباہ ہوجائے گا۔کسی شخص کے جرم میں ملوث پائےجانے پر بلڈوزر چلاکر اس شخص کے اہل خانہ کو اجتماعی سزا سے دوچارکرنےکی معقولیت پر سوال اٹھاتے ہوئے اس کو آئین وقانونی کی حکمرانی کے تصور کے منافی قرار دیا۔ جسٹس بھوئیاں نے بھارتیہ ودیا پیٹھ نیو لا کالج، پونے کےطلبہ سے خطاب میں کہا ’’حالیہ دنوںہم ریاستی حکام کی طرف سے بلڈوزر کا استعمال کرتے ہوئے ان لوگوں کے مکانات اور جائیدادوں کو مسمار کرنے کیلئے انتہائی پریشان کن اور افسردہ کرنے والے عمل کا مشاہدہ کر رہے ہیں جن پر بعض جرائم کا الزام ہے۔‘

انہوں نے اس کی سخت مذمت کرتے ہوئے کہا کہ’’ اس طرح کے اقدامات خود آئین کو منہدم کرنے کے مترادف ہیں۔ یہ اقدامات قانون کی حکمرانی کے تصور کی نفی کرتے ہیں اور اگر اس پر روک نہیں لگائی گئی تو ملک میں انصاف کی فراہمی کا ڈھانچہ تباہ ہو کررہ جائےگا۔‘‘انہوں نے سپریم کورٹ کے حالیہ فیصلے کا حوالہ دیا جس میں بلڈوزر کارروائی کو غیر قانونی قرار دیا گیا تھا اور املاک کی من مانی مسماری کو روکنے کیلئے رہنما اصول وضع کیے گئے تھے۔ انہوں نے کہا کہ بلڈوزر کارروائی سے نہ صرف ملزم کے منصفانہ ٹرائل کا حق متاثرہوتا ہے بلکہ اس کیلئے کئی مسائل پیدا ہوتے ہیں، جسے آرٹیکل۲۱؍ کے تحت زندگی کا حق تسلیم کیا گیا۔ جسٹس بھویاں نے کسی ایک شخص کے جرم میںملوث ہونے پر اس کے اہل خانہ کو اجتماعی سزا سے دوچار کرنے کی معقولیت اورمنطق پر سوال اٹھاتے ہوئے کہا کہ اگر یہ فرض بھی کرلیا جائےکہ ایک شخص ملزم یا مجرم ہے،لیکن اس کے گھر میں ماں ،بہن ،اس کی بیوی اور بچے بھی رہتے ہیں۔آخر ان لوگوں کا قصور کیا ہےکہ انکے گھروں کو مسمار کیا جائے،وہ کہاں جائیں گے؟ انہوںنے برہمی کااظہار کرتے ہوئے کہا کہ ان کا کیا قصور ہے کہ ان کے سروں سے چھت چھین لی جائے بلکہ وہ یہ کہنا چاہتے ہیں کہ کسی ملزم یامجرم کے سر سے بھی چھت کو کیوں چھینا جائے، کیا صرف اسلئے کہ اس نے کوئی جرم کیا۔ انہوں نے کہاکہ اس کامطلب یہ نہیںکے اس کے گھر کو مسمار کردیاجائے۔ جسٹس بھویاں نے مزید کہاکہ ہندوستانی عدلیہ میں اصلاح کی کافی گنجائش موجود ہے۔ سپریم کورٹ صرف اسلئے سپریم ہےکیونکہ یہ آخری عدالت ہے۔ اگر اس کے اوپر کوئی عدالت ہوتی تو سپریم کورٹ کے کئی فیصلوں پر نظر ثانی کی جاتی۔انہوںنے کہاکہ ہمیں خود کا جائزہ لینے کی ضرورت ہے، اگر ہم ایسا کرتے ہیں، صرف اسی وقت اصلاح ہو سکتی ہے۔انہوںنے اس یقین کا اظہارکیاکہ ہندوستانی عدلیہ میں اصلاح کی کافی گنجائش ہے اور سپریم کورٹ کے ایک موجودہ جج کے طور پرانہیں اس کا اعتراف کرنے میں کوئی ہچکچاہٹ نہیں ہے۔جسٹس بھویان نے کہا کہ عدالتی فیصلوں میںمستقل مزاجی ہونی چاہیے اور قانون کو منتخب طریقہ سے لاگونہیں کیا جانا چاہئے

کیا تیجسوی یادو ہوں گے مہاگٹھ بندھن کے وزیراعلی کا چہرہ؟ بہار کانگریس انچارج نے کہا: ہم تو...

نئی دہلی/پٹنہ : بہار میں کانگریس اور آر جے ڈی کا ساتھ برقرار رہے گا۔ اس سلسلے میں بہار کانگریس لیڈروں نے منگل کو دہلی میں آر جے ڈی کے ساتھ ملاقات کی۔ یہ فیصلہ اجلاس کے بعد کیا گیا۔ میٹنگ میں بہار کانگریس کے سبھی ایم ایل ایز، قانون ساز کونسل کے ممبران اور تمام ممبران پارلیمنٹ موجود تھے۔ میٹنگ میں پارٹی لیڈر اور لوک سبھا کی سابق ممبر پارلیمنٹ میرا کمار بھی موجود تھیں۔ بہار کانگریس قائدین نے اپوزیشن لیڈر راہل گاندھی، کانگریس کے قومی صدر ملکارجن کھرگے اور پارٹی کی قومی تنظیم کے جنرل سکریٹری وینو گوپال کے ساتھ میٹنگ کی۔ اس میٹنگ میں اس بات کی تصدیق کی گئی کہ پارٹی بہار میں اگلا اسمبلی انتخابات آر جے ڈی کے ساتھ مل کر لڑے گی۔ یعنی اتحاد کا فارمیٹ موجود ہی رہے گا۔

میٹنگ کے بعد کانگریس کے بہار انچارج کرشنا الاورو نے واضح کیا کہ یہ فیصلہ اتفاق رائے سے کیا گیا ہے۔ ہر قسم کی قیاس آرائیاں اب ختم ہو چکی ہیں۔ دراصل حال ہی میں بہار میں تنظیمی سطح پر نظر آنے والی وسیع تبدیلیوں کے بعد یہ قیاس آرائیاں کی جارہی تھیں کہ کانگریس اب اپنے بل بوتے پر الیکشن لڑ سکتی ہے۔ سب سے پہلے کانگریس کے بہار انچارج موہن پرکاش کو ہٹا کر ان کی جگہ کرشنا الاورو کو ذمہ داری سونپی گئی۔ وہ راہل گاندھی کے قریبی مانے جاتے ہیں۔ اس کے علاوہ اکھلیش پرساد سنگھ کو بہار کانگریس کے صدر کے عہدے سے ہٹا دیا گیا۔ اکھلیش سنگھ کی جگہ ایم ایل اے راجیش رام کو ذمہ داری دی گئی ہے۔ دوسری طرف کنہیا کمار کا دورہ بہار جاری ہے، ایسے میں کانگریس کی تیاریوں کو دیکھ کر قیاس آرائیوں کو مزید ہوا دی جارہی تھی۔

تاہم کرشنا الاورو نے میٹنگ کے بعد واضح کیا کہ آر جے ڈی کے ساتھ اتحاد جاری رہے گا۔ انڈیا الائنس کی تمام اتحادی جماعتیں بہار میں مل کر الیکشن لڑیں گی۔ پارٹی کے بہار صدر راجیش رام نے بھی کہا کہ بہار میں بی جے پی کی طرف سے چیلنج ہے لیکن ہم تنظیم کو مضبوط کریں گے۔ انتخابی مہم کو بھی تیز کریں گے۔ اس سلسلہ میں بات چیت ہوئی۔ انہوں نے واضح کیا کہ ہم اتحاد کے حوالے سے پیدا ہونے والی الجھن کو دور کرنا چاہتے ہیں۔ اتحاد کی موجودہ شکل برقرار رہے گی۔

آر جے ڈی نے تیجسوی یادو کی قیادت میں الیکشن لڑنے کا فیصلہ کیا ہے۔ لالو یادو نے یہ بھی واضح کر دیا ہے کہ تیجسوی وزیر اعلیٰ کے عہدے کے امیدوار ہوں گے۔ جب کانگریس کے انچارج کرشنا الاورو سے اس سلسلے میں سوال پوچھا گیا تو انہوں نے کہا کہ جب انڈیا الائنس کے لیڈروں کی ملاقات ہوگی تب اس پر بات ہوگی۔وزیر اعلیٰ کا اعلان کرنا ہے یا نہیں یہ ہم اجتماعی بحث کے بعد ہی بتا سکیں گے۔ حالانکہ سیٹ شیئرنگ اور گفت و شنید پر انچارج نے کہا کہ بات تب ہوگی جب وہ ایک ساتھ بیٹھیں گے۔ ذرائع کے مطابق آج کی میٹنگ میں تمام لیڈروں نے اس بات پر زور دیا ہے کہ اسمبلی انتخابات میں آر جے ڈی کے ساتھ باعزت معاہدہ ہوگا۔ عزت نفس سے سمجھوتہ نہیں کیا جائے گا۔ فی الحال پوری امید ہے کہ جلد ہی ضلع سطح سے لے کر بہار کے باقی حصوں میں پارٹی تنظیم میں تقرریاں ہوں گی اور پارٹی ایک نئے روپ میں ابھرے گی۔

وزیر اعلیٰ کا اعلان کرنا ہے یا نہیں یہ ہم اجتماعی بحث کے بعد ہی بتا سکیں گے۔ حالانکہ سیٹ شیئرنگ اور گفت و شنید پر انچارج نے کہا کہ بات تب ہوگی جب وہ ایک ساتھ بیٹھیں گے۔ ذرائع کے مطابق آج کی میٹنگ میں تمام لیڈروں نے اس بات پر زور دیا ہے کہ اسمبلی انتخابات میں آر جے ڈی کے ساتھ باعزت معاہدہ ہوگا۔ عزت نفس سے سمجھوتہ نہیں کیا جائے گا۔ فی الحال پوری امید ہے کہ جلد ہی ضلع سطح سے لے کر بہار کے باقی حصوں میں پارٹی تنظیم میں تقرریاں ہوں گی اور پارٹی ایک نئے روپ میں ابھرے گی۔

امریکہ سے وفا داری پاکستان کو پڑے گی مہنگی، کہیں کا نہیں چھوڑے گا اسلامک اسٹیٹ، شہباز شریف کی جانچ بھی خطرے میں!

اسلام آباد: جب امریکی فوج 2021 میں افغانستان سے نکل رہی تھی تو اس پر دولت اسلامیہ خراسان صوبہ (ISKP) کے دہشت گردوں نے حملہ کیا تھا۔ یہ خونریز دہشت گردانہ حملہ افغانستان میں اے بی گیٹ پر ہوا تھا۔ حال ہی میں پاکستان نے حملے کے ماسٹر مائنڈ شریف اللہ کو پکڑ کر امریکہ کے حوالے کر دیا۔ امریکہ کی مدد کرنا اب پاکستان کو بھاری پڑ سکتا ہے۔ آئی ایس کے پی نے اب پاکستان کو انتقام کی دھمکی دی ہے۔ انٹیلی جنس ایجنسیوں کو خدشہ ہے کہ یہ پاکستان کے وی وی آئی پیز کو نشانہ بنا سکتا ہے۔ پاکستان کے وزیر اعظم شہباز شریف بھی نشانے پر ہوسکتے ہیں۔

26 اگست 2021 کو افغانستان کے شہر کابل میں حامد کرزئی انٹرنیشنل ایئرپورٹ کے اے بی گیٹ پر خودکش حملہ ہوا تھا۔ اس حملے میں 13 امریکی اور تقریباً 170 افغان شہری مارے گئے تھے۔ آئی ایس کے پی نے اس حملے کی ذمہ داری قبول کی تھی۔ مارچ 2025 کے اوائل میں امریکی صدر ڈونلڈ ٹرمپ نے کانگریس سے خطاب میں ایک بڑا انکشاف کیا تھا۔ اس میں انہوں نے کہا کہ اگست 2021 میں ہونے والے بم دھماکے کی منصوبہ بندی میں ملوث سرکردہ دہشت گرد پکڑا گیا ہے۔ اب اسے امریکی انصاف کا سامنا کرنا پڑے گا۔ ٹرمپ نے کہا تھا کہ میں اس کو پکڑنے میں مدد کرنے پر پاکستانی حکومت کا شکریہ ادا کرنا چاہتا ہوں۔پاکستان کے لئے مشکلات میں اضافہ

شریف اللہ پر اس خودکش حملے کی سازش کا الزام تھا۔ اس نے جگہ کی ریکی کی تھی اور حملہ آور کو راستہ دکھایا تھا۔ اس کو پکڑنے پر امریکہ نے پاکستان کی پیٹھ تھپتھپائی تھی۔ لیکن یہ تعریف پاکستان کے لیے مہنگی ثابت ہو سکتی ہے۔ پاکستانی انتظامیہ اب دہشت گردوں کو سمجھانے کی کوشش کر رہی ہے کہ اس نے کچھ نہیں کیا اور پورا کھیل امریکہ نے کھیلا تھا ۔ لیکن آئی ایس کے پی نے اس کو ماننے سے انکار کر دیا ہے۔ ISKP نے اپنی سطح پر جانچ کے بعد پاکستان کے خلاف اعلان جنگ کر دیا ہے۔

پاکستان کو دہشت گردوں کی للکار

ISKP کے حمایت یافتہ المرشلات میڈیا نے پشتو زبان میں ایک خوفناک پوسٹر جاری کرکے پاکستان کو براہ راست چیلنج کیا ہے۔ پوسٹر میں لکھا گیا کہ پاکستان، ہمارا تمہارے ساتھ حساب بہت بھاری ہے۔ شریف اللہ سے بدلہ لینے کے لیے اللہ کی مرضی سے آپ کے لیڈر اور تمام بے ایمان ہار جائیں گے اور زخمی ہوں گے۔ اس پوسٹر سے واضح ہوتا ہے کہ آئی ایس کے پی شریف اللہ کی گرفتاری اور اسے امریکہ کے حوالے کرنے کا براہ راست ذمہ دار پاکستان کو ٹھہرا رہا ہے۔ خطرے کی نوعیت کی بنیاد پر یہ خیال کیا جاتا ہے کہ کسی بڑے لیڈر کو نشانہ بنایا جا سکتا ہے۔اب حکومت پاکستان کے پسینے چھوٹ رہے ہیں ۔ ایک طرف پاکستان آئی ایس کے پی کو منانے کی ناکام کوشش کر رہا ہے تو دوسری طرف اپنے سینئر لیڈروں اور افسران کی سیکورٹی میں چوکسی بڑھا رہا ہے۔