انجمن محبان اردو کتب،ادارہ صوت الاسلام اور مہا تما گاندھی ودیا مندر کے زیر اہتمام شہر مالیگاؤں میں جاری سات روزہ اردو کتاب میلہ میں شہرعزیز کی متحرک وکارگذار تنظیم آل مالیگاؤں انگلش ٹیچرز ایسوسی ایشن کے صدر اشفاق لعل خان سر کی مرتب کردہ دو کتاب "Model Activity sheets"براۓ جماعت دہم اور بارہویں انگریزی گائیڈ "Exam Cram"کا اجراء ڈاکٹر عقیل شاہ،پرنسپل منصورہ انجینئرنگ کالج کے ہاتھوں عمل میں
آیا۔اس موقع پر شاہین زری والا اکیڈمی کے ڈائریکٹر محفوظ الرحمن زری والا،ڈاکٹر اشفاق عمر، ڈاکٹر عطاء الرحمن نوری،ڈاکٹر رضوان خان سر،عارف حسین آفاق اکیڈمی،سلیم رحمانی، ڈاکٹر شکیب، نورالدین نورسر،عمران راشد، عزیر رحمانی ودیگر سرکردہ افراد موجود تھے۔آل مالیگاوں انگلش ٹیچرز ایسوسی ایشن کی جانب سے شائع کردہ دونوں کتابیں دسویں اور بارہویں بورڈ کا امتحان دینے والے طلبہ کے لیے بے انتہا مفید اور کارآمد ہے۔کم وقت میں پورے نصاب کی اسٹڈی اور پیپر پیٹرن کے مطابق تیاری کرنے میں یہ کتابیں ممد ومعاون ثابت ہوگی۔یہ کتابیں شہر کی بک اسٹالز پر دستیاب ہیں۔
