ممبئی : لارنس بشنوئی کی دھمکی کے بعد سلمان خان کی سیکورٹی بڑھا دی گئی تھی، حالانکہ انہیں گینگسٹر کے نام پر مسلسل دھمکیاں مل رہی ہیں۔ جب سپر اسٹار کی شوٹنگ کی جگہ پر ایک مشتبہ شخص غیر قانونی طور پر داخل ہوگیا تو پولیس نے پوچھ گچھ کے بعد اسے حراست میں لے لیا۔ جب اس شخص سے پوچھ گچھ کی گئی تو اس نے کہا کہ ‘میں وشنوئی کو بولوں کیا؟’ مشتبہ شخص پولیس کی حراست میں ہے۔ شیواجی پارک پولیس اسٹیشن میں اس شخص سے پوچھ گچھ کی جارہی ہے۔
اس سلسلہ میں ممبئی پولیس نے بتایا کہ ایک شخص اجازت کے بغیر بالی ووڈ اداکار سلمان خان کی شوٹنگ کی جگہ میں داخل ہوگیا۔ شک کی وجہ سے جب اس سے پوچھ گچھ کی گئی تو اس نے کہا کہ ‘کیا میں بشنوئی کو بلاؤں؟’ اس شخص کو پوچھ گچھ کے لیے شیواجی پارک تھانے لے جایا گیا ہے۔
سلمان خان کو لارنس بشنوئی کے نام پر مسلسل دھمکیاں مل رہی ہیں۔ گینگسٹر 1998 کے کالے ہرن کے شکار کے معاملہ میں سلمان خان کو ملزم مانتا ہے اور اسے جان سے مارنے کی دھمکی دیتا ہے۔ پچھلے مہینے ہی سپر اسٹار کو لارنس بشنوئی سے ان کا نام جوڑنے والے گانے کی وجہ سے دھمکی ملی تھی ۔
ممبئی کے ٹریفک کنٹرول روم کو موصول ہوئے دھمکی آمیز پیغام میں ایک گانے کا ذکر تھا، جس میں مبینہ طور پر سلمان خان اور لارنس بشنوئی دونوں کے نام ہیں۔ اس میں کہا گیا ہے کہ ذمہ دار گلوکار کو ایک ماہ کے اندر برے نتائج بھگتنے پڑیں گے ۔ میسیج میں لکھا ہوا تھا کہ نغمہ نگار کی حالت ایسی ہو جائے گی کہ وہ گانا نہیں لکھ سکے گا۔ سلمان خان میں ہمت ہے تو اسے بچا لے۔
وہیں پولیس نے حال ہی میں سلمان کو دھمکیاں دینے کے سلسلے میں ایک 32 سالہ شخص کو گرفتار کیا تھا۔ یہ شخص اصل میں جالور، راجستھان کا رہنے والا ہے۔ اسے مہاراشٹر کے انسداد دہشت گردی اسکواڈ (اے ٹی ایس) کے حوالے کر دیا گیا تھا۔
