آپریشن مکت بھیونڈی نامی تنظیم کے زیر اہتمام میڈیکل کیمپ کا انعقاد

مشرقی بھیونڈی کے راو جی نگر میں واقع سوامی ویکانند ہائی اسکول میں آج آپریشن مکت بھیونڈی کے صدر ڈاکٹر شفیق احمد صدیقی کی سرپرستی میں میگھا میڈیکل کیمپ کا انعقاد کیا گیا 

اس کیمپ میں تھانے کے جیوپٹر اسپتال کی ٹیم۔نے بچوں کے دل میں سوراخ کا چیک اپ کیا بھیونڈی کے سراج میموریل اسپتال کی ٹیم نے پلاسٹک سرجری کے ضرورت مندوں کا چیک اپ کیا ماتو شری گنگو بائی شندے اسپتال تھانے کی ٹیم اور دھرم ویر آنند دیگھے اسپتال کی ٹیم نے ہارٹ اور جنرل بیماریوں کا چیک اپ کرتےہوئے بطور خاص اپینڈکس۔ہرنیہ ہائڈروسل۔پت کی پتھری۔بچہ دانی کے آپریشن وغیرہ کا چیک اپ کیا 

ڈاکٹر شفیق صدیقی نے بتایا کہ یہ ایک طرح سے اسپیشل کیمپ تھا جو بڑی بیماریوں کے مریضوں کے لئے بطور خاص سہولیات فراہم کرنے والا کہ اس کیمپ میں چیک کئے گئے ضرورت مندوں کا آپریشن آئندہ دنوں میں وقت دے کر مفت میں کیا جائے گا اور یہ ان کی تنظیم کا گیارہواں کیمپ تھا جس کی تشہیر کافی دنوں سے شہر میں کرادی گئی تھی تاکہ ان بڑی بیماریوں میں مبتلا افراد اس سے بھرپور استفادہ کرسکیں 

انھوں نے بتایا کہ اس میڈیکل کیمپ کے انعقاد میں بطور خاص سوامی ویکانند اسکول کا عملہ پرنسپل پال سر اور

گپتا سر۔ایڈوکیٹ عبد الباقی انصاری۔عبد الغنی خان۔ساجد بھارتی۔شاہد شیخ۔مجاھد شیخ۔صدام مرزا۔دیپک سنگھ۔صغیر شیخ۔تحسین خان۔کے ساتھ مقامی ڈاکٹروں میں سے گنیش اہیرے۔بلال پٹھان۔نشا پٹھان۔رمیز خان۔شاہ عالم۔شبینہ مستو۔شکیلہ انصاری۔گلشن انصاری وغیرہ نے تعاون کیا 

کیمپ صبح دس بجے سے شروع ہوکر دوپہر تقریبا چار بجے اختتام پزیر ہوا تین سو سے زائد افراد نے اس کیمپ سے استفادہ کیا