ممبئی: نیشنلسٹ کانگریس پارٹی (این سی پی) کے صدر شرد پوار باغی اجیت پوار کے دھڑے سے مقابلہ کرنے کی تیاری کر رہے ہیں۔ اب ان کی تازہ حکمت عملی ریاست کے مختلف علاقوں میں سیاسی اہمیت کے حامل مقامات پر ہر آٹھ سے دس دن بعد جلسے کرنے اور نئے چہروں کو اسٹیج پر لانے کی ہوگی۔ ان میں نوجوانوں اور خواتین کو قیادت کی ذمہ داریاں دینے پر توجہ دی گئی ہے۔ شرد پوار نے اپنی پارٹی میں تقسیم کے بعد 17 اگست کو مہاراشٹر کے مراٹھواڑہ علاقے بیڈ میں اپنی دوسری عوامی ریلی کے لیے جگہ متعین کر لی ہے۔
انڈین ایکسپریس کی ایک رپورٹ کے مطابق شرد پوار کی اگلی ریلی کے لیے تین جگہوں کو حتمی شکل دی گئی ہے۔ جو کہ پونے ضلع میں کولہاپور، جلگاؤں اور منچھر ہیں۔ کولہاپور باغی وزیر حسن مشرف کا آبائی ضلع ہے۔ جلگاؤں شمالی مہاراشٹر کا ایک سیاسی طور پر اہم ضلع ہے اور شرد پوار کے وفادار ایکناتھ کھڈسے کا آبائی ضلع ہے۔ جنہوں نے بی جے پی چھوڑ کر این سی پی میں شمولیت اختیار کی۔ تیسرے نمبر پر منچھر باغی وزیر اور شرد پوار کے سابق قریبی ساتھیوں میں سے ایک دلیپ والسے پاٹل کی
امبیگاؤں اسمبلی سیٹ پر آتا ہے۔ پوار کے پروگرام کی تیسرے نمبر پر منچھر باغی وزیر اور شرد پوار کے سابق قریبی ساتھیوں میں سے ایک دلیپ والسے پاٹل کی امبیگاؤں اسمبلی سیٹ پر آتا ہے۔ پوار کے پروگرام کی منصوبہ بندی کرنے والی ٹیم کا حصہ رہنے والے ایک رہنما نے کہا، ’’یہ فیصلہ کیا گیا ہے کہ ایک طویل دورے کے بجائے، اسٹریٹجک مقامات پر وقفے وقفے سے ریلیاں نکالی جائیں گی۔‘‘
