’یو اے ای پر حملوں کی مذمت، آبنائے ہرمز فری ہو...‘، وزیراعظم مودی کی یو اے ای کے صدر سے گفتگو
نئی دہلی : مشرقِ وسطیٰ میں جاری جنگ کے درمیان وزیرِ اعظم نریندر مودی نے یو اے ای کے صدر شیخ محمد بن زاید النہیان سے فون پر بات چیت کی ہے۔ دونوں اعلیٰ رہنماؤں کے درمیان مغربی ایشیا کے موجودہ کشیدہ حالات، یو اے ای پر حالیہ حملوں اور آبنائے ہرمز کی سیکورٹی جیسے کئی سنگین مسائل پر تفصیل سے گفتگو ہوئی۔ وزیرِ اعظم مودی نے خود ایکس پر اس کی معلومات شیئر کی ہیں۔
واشنگٹن: ایران-امریکہ جنگ کے درمیان امریکی انتظامیہ کے اندر سے ایک بہت بڑی بغاوت کی خبر سامنے آ رہی ہے۔ نیشنل کاؤنٹر ٹیررزم سینٹر (NCTC) کے ڈائریکٹر جو کینٹ نے اپنے عہدے سے استعفیٰ دے دیا ہے۔ کینٹ نے یہ قدم ایسے وقت پر اٹھایا ہے جب ‘آپریشن ایپک فیوری’ کے تحت ایران پر حملے تیز ہو رہے ہیں۔ انہوں نے استعفیٰ دینے کے بعد سوشل میڈیا پر ایک پوسٹ شیئر کی ہے، جس میں ٹرمپ کی خراب پالیسیوں پر سخت تنقید کی ہے اور ایران کے خلاف چھیڑی گئی جنگ کے حوالے سے چونکا دینے والے انکشافات کیے ہیں۔
مرکزی حکومت نے ہفتے کے روز ایک اہم پیش رفت میں لداخ کے معروف موسمیاتی کارکن اور ماہرِ تعلیم سونم وانگچک کی ’نیشنل سیکیورٹی ایکٹ‘ (NSA) کے تحت جاری نظر بندی کو فوری طور پر منسوخ کرنے کا اعلان کر دیا ہے۔
پی ایم مودی نے لکھا کہ یو اے ای کے صدر، میرے بھائی عزت مآب شیخ محمد بن زاید النہیان سے بات کی اور انہیں عید کی پیشگی مبارکباد دی۔ ہم نے مغربی ایشیا کی موجودہ صورتحال پر تبادلہ خیال کیا۔ یو اے ای پر ہونے والے تمام حملوں کی ہندوستان کی جانب سے سخت مذمت کو دہرایا، جن کے نتیجے میں بے گناہ لوگوں کی جانیں گئیں اور شہری بنیادی ڈھانچے کو نقصان پہنچا ہے۔ ہم آبنائے ہرمز کے ذریعے محفوظ اور آزادانہ آمد و رفت کو یقینی بنانے کی اہمیت پر متفق ہوئے۔ ہم خطے میں امن، سلامتی اور استحکام کی جلد بحالی کے لیے مل کر کام جاری رکھیں گے۔یو اے ای پر حملوں کی مذمت
واضح ہے کہ فون کال کے دوران وزیرِ اعظم نریندر مودی نے یو اے ای پر ہونے والے تمام حملوں کی سخت الفاظ میں مذمت کی، جن کی وجہ سے بے گناہ شہریوں کی جانیں گئیں اور وہاں کے سول انفراسٹرکچر کو بھاری نقصان پہنچا ہے۔ ہندوستان نے عالمی پلیٹ فارمز پر ہمیشہ دہشت گردی اور کسی بھی خودمختار ملک پر ہونے والے بلا جواز حملوں کی کھل کر مخالفت کی ہے۔ وزیرِ اعظم نے اپنے اسی واضح مؤقف کو دہراتے ہوئے یو اے ای کے صدر کو یقین دلایا کہ علاقائی عدم استحکام اور تشدد کے خلاف لڑائی میں ہندوستان پوری مضبوطی کے ساتھ متحدہ عرب امارات کے ساتھ کھڑا ہے۔ہرمز پر بات رہی خاص
دونوں رہنماؤں کے درمیان آبنائے ہرمز کی سیکورٹی پر بھی گفتگو ہوئی۔ وزیرِ اعظم مودی اور صدر النہیان نے اس بات پر اتفاق کیا کہ ہرمز سے گزرنے والے سمندری راستے میں محفوظ اور آزادانہ نیویگیشن کو یقینی بنانا آج کے وقت کی سب سے بڑی ضرورت ہے۔ آبنائے ہرمز اس وقت سب سے بڑے بحران کی وجہ بنی ہوئی ہے۔ ہندوستان کے بھی کئی جہاز وہاں پھنسے ہوئے ہیں۔
’ایران سے کوئی خطرہ نہیں تھا، میں جنگ کے خلاف...‘، ٹرمپ کی ٹیم میں پھوٹ! سینئر افسر کا استعفی
امریکی عہدیدار نے ضمیر کی آواز پر دیا استعفیٰ
جو کینٹ نے سوشل میڈیا پلیٹ فارم ایکس (سابقہ ٹویٹر) پر اپنا استعفیٰ شیئر کرتے ہوئے لکھا کہ وہ اپنے ضمیر کے خلاف جا کر اس جنگ کی حمایت نہیں کر سکتے۔ انہوں نے براہِ راست الزام لگایا کہ ایران امریکہ کے لیے کوئی فوری خطرہ نہیں تھا۔ کینٹ کے مطابق، امریکہ نے یہ جنگ صرف اسرائیل اور اس کی طاقتور امریکی لابی کے دباؤ میں شروع کی ہے۔اسرائیل پر سنگین الزامات
استعفیٰ میں جو کینٹ نے اس جنگ کو ‘مینوفیکچرڈ’ یعنی زبردستی تیار کیا گیا قرار دیا ہے۔ انہوں نے کہا کہ اسرائیل کی جانب سے پھیلائی گئی غلط معلومات اور دباؤ نے صدر ٹرمپ کو یہ یقین دلایا کہ ایران پر حملہ کرنا ضروری اور آسان ہے۔ کینٹ خود ایک سابق ‘گرین بیریٹ’ فوجی رہ چکے ہیں اور ان کی اہلیہ شینن کینٹ کی موت بھی جنگ کے دوران ہوئی تھی۔ انہوں نے کہا کہ وہ اگلی نسل کو ایسے جنگ میں مرنے کے لیے نہیں بھیج سکتے جس سے امریکی عوام کو کوئی فائدہ نہ ہو۔ٹرمپ کے کیمپ میں مچی ہلچل
جو کینٹ، ڈائریکٹر آف نیشنل انٹیلیجنس (DNI) تلسی گبارڈ کے ساتھ کام کر رہے تھے۔ تلسی گبارڈ خود بھی غیر ملکی مداخلت اور جنگوں کی مخالفت کرتی رہی ہیں، لیکن اس جنگ پر ان کی خاموشی نے بھی کئی سوالات کھڑے کیے ہیں۔ کینٹ اس انتظامیہ کے اب تک کے سب سے بڑے عہدیدار ہیں جنہوں نے جنگ کے خلاف استعفیٰ دیا ہے۔ وائٹ ہاؤس اور پینٹاگون کی جانب سے ابھی تک اس پر کوئی ردعمل سامنے نہیں آیا ہے، لیکن اپوزیشن کیمپ میں اس کو لے کر ہلچل تیز ہو گئی ہے۔
مرکزی حکومت کا بڑا فیصلہ: لداخ کے سماجی کارکن سونم وانگچک کی نظر بندی ختم، مہینوں بعد رہائی کے احکامات جاری
امن اور مذاکرات کی جانب قدم
وزارت داخلہ کے مطابق، حکومت لداخ میں امن، استحکام اور باہمی اعتماد کی فضا قائم کرنے کے لیے پرعزم ہے تاکہ تمام متعلقہ فریقین کے ساتھ تعمیری اور بامقصد مذاکرات کا آغاز کیا جا سکے۔ حکومت نے واضح کیا کہ اسی مقصد کے حصول اور گہرے غور و خوض کے بعد سونم وانگچک کی نظر بندی ختم کرنے کا فیصلہ کیا گیا ہے۔ حکومت نے لداخ کے لیے تمام ضروری حفاظتی اقدامات فراہم کرنے کے اپنے عزم کا بھی اعادہ کیا ہے۔
ستمبر 2025 کی گرفتاریاں اور الزامات
یاد رہے کہ سونم وانگچک، جو کہ ایک انجینئر اور اصلاح پسند کے طور پر عالمی شناخت رکھتے ہیں، کو لداخ پولیس نے 26 ستمبر 2025 کو حراست میں لیا تھا۔ ان کی گرفتاری لیہہ میں ہونے والے ان پرتشدد احتجاجی مظاہروں کے دوران عمل میں آئی تھی جن میں لداخ کے لیے الگ ریاست اور آئینی تحفظات کا مطالبہ کیا جا رہا تھا۔
حکام نے ان پر بدامنی پھیلانے کا الزام عائد کرتے ہوئے نیشنل سیکیورٹی ایکٹ (NSA) نافذ کیا تھا۔ سرکاری ذرائع کا دعویٰ تھا کہ وانگچک اس بے چینی کے ’مرکزی محرک‘ تھے جس کے نتیجے میں چار افراد ہلاک اور تقریباً 90 زخمی ہوئے تھے۔ انہیں ایک پریس کانفرنس میں شرکت کے لیے جاتے ہوئے حراست میں لیا گیا تھا۔
عدالتی جنگ اور جودھپور جیل میں نظربند
سونم وانگچک نے اپنی حراست کے 140 سے زائد دن جودھپور جیل میں گزارے۔ ان کی نظر بندی کو ان کی اہلیہ، تسیرنگ آنگمو نے سپریم کورٹ آف انڈیا میں چیلنج کیا تھا، اور اب تک کئی بار سماعت ہوچکی ہے۔سونم وانگچک لداخ سے تعلق رکھنے والے ایک نامور انجینئر، ماہرِ تعلیم اور ماحولیاتی کارکن ہیں، جو لداخ کے لیے آئینی تحفظات اور ریاست کے درجے کے مطالبے کے لیے آواز بلند کرتے رہے ہیں۔ ستمبر 2025 میں لداخ کے دارالحکومت لیہہ میں پرتشدد احتجاجی مظاہرے پھوٹ پڑے تھے، جن میں لداخ کو ریاست کا درجہ دینے اور آئین کے چھٹے شیڈول (Sixth Schedule) کے تحت تحفظ فراہم کرنے کا مطالبہ کیا گیا تھا۔ ان مظاہروں کے دوران ہلاکتوں اور بدامنی کے الزامات کے تحت وانگچک کو گرفتار کیا گیا تھا، جس کے بعد ان کی اہلیہ نے بھارتی سپریم کورٹ میں اس نظر بندی کو چیلنج کیا تھا۔
