مالیگاؤں (نامہ نگار) آج بروز جمعرات جنتادل سیکولر مہاراشٹر صدر آفس (ممبئی) میں عبدالخالق صدیقی کو مالیگاؤں صدر کے عہدے پر فائز کیا گیا۔ اس موقع پر جنتادل سیکولر کے نئے صدر نے میڈیا سے بات کرتے ہوئے کہا کہ آج شہر میں پلاننگ کے تحت کچھ لوگوں بڑی صفائی سے ساتھی نہال احمد کی سوچ اور اصولوں کو مدفون کرنے کے کوششوں میں مصروف ہیں ملکی فرقہ پرستی کے نام پر سینہ کوبی کرنے والے مقامی فرقہ پرستوں کی گودی میں بیٹھنے کیلئے بیتاب نظر آرہے ہیں۔ شہر کی باشعور عوام اور مخلص نہالی ورکروں میں مسلسل بےچینی محسوس کی جارہی تھی۔ اس کو ہی محسوس کرتے ہوئے اور شہر میں نہالی پاور واپس لانے کیلئے ہم نے جنتادل سیکولر میں
شمولیت اختیار کی۔
نامہ نگار سے گفتگو کرتے ہوئے عبدالخالق صدیقی نے بتلایا کہ ہم ہر ورکر اور ساتھی نہال صاحب کے ہمدردان سے ملاقات کریں گے اور انھیں شہر کی عزت و وقار کیلئے جنتادل سیکولر میں متحرک ہونے کی دعوت دیں گے۔ ساتھی نہال احمد سے بغض رکھنے والے اور نام و نمود، توڑی بازی کرنے والے کے خلاف اقدام ہی ہمارا پہلا مقصد ہوگا۔ اس موقع پر جنتادل سیکولر مہاراشٹر کے تمام عہدیداران کے ساتھ ساتھ شہباز زاری والا، سلیم 61، محمد سلطان منشی، کاشف سمّن وغیرہ موجود تھے۔
