نئی دہلی : سپریم کورٹ Places of Worship Act, 1991 سے متعلق آل انڈیا مجلس اتحاد المسلمین کے سربراہ اور رکن پارلیمنٹ اسد الدین اویسی کی عرضی پر سماعت کے لیے تیار ہے۔ چیف جسٹس سنجیو کھنہ اور جسٹس سنجے کمار نے اس سلسلے میں احکامات جاری کیے ہیں۔ چیف جسٹس بنچ نے حکم دیا کہ اویسی کی درخواست کو کیس سے متعلق تمام زیر التوا عرضیوں کے ساتھ جوڑ دیا جائے اور اس کی سماعت 17 فروری کو ہوگی۔ عبادت گاہوں کے قانون میں ملک کے تمام مذہبی مقامات پر 15 اگست 1947 کی حالت کو برقرار رکھنے کا ذکر ہے۔
دریں اثناء اے آئی ایم آئی ایم کے سربراہ اسد الدین اویسی نے سپریم کورٹ میں عرضی دائر کی ہے جس میں 1991 کے عبادت گاہوں کے قانون کو نافذ کرنے کا مطالبہ کیا گیا ہے۔ جمعرات کو سپریم کورٹ میں اس حوالے سے سماعت ہوئی۔ سپریم کورٹ کے حکم کے بعد اویسی نے کہا تھا، اب امید ہے کہ ملک میں فسادات نہیں ہوں گے۔ اس قانون کے تحت کسی بھی جگہ کا مذہبی کردار وہی رہے گا جو 15 اگست 1947 کو تھا۔
اویسی نے یہ عرضی 17 دسمبر 2024 کو ایڈوکیٹ فضیل احمد ایوبی کے ذریعے دائر کی تھی۔ تاہم، 12 دسمبر کو چیف جسٹس سنجیو کھنہ کی سربراہی والی بنچ نے 1991 کے قانون کے خلاف اسی طرح کی درخواستوں کی سماعت کرتے ہوئے مذہبی مقامات بالخصوص مساجد اور درگاہوں پر دوبارہ دعویٰ کرنے کے زیر التوا مقدمات میں کوئی عبوری یا حتمی حکم جاری یا نئی درخواستیس قبول کرنے پر روک لگا دی تھی۔
Places of Worship (Special Provisions) Act, 1991 ایک ایسا ایکٹ ہے جو کسی بھی عبادت گاہ کی تبدیلی کو روکتا ہے اور کسی بھی عبادت گاہ کے مذہبی کردار کو برقرار رکھنے کے لیے فراہم کرتا ہے جیسا کہ یہ 15 اگست 1947 کے دن موجود تھا، اور اس سے منسلک یا اس سے متعلقہ معاملات کے لیے۔
