یٰنئی دہلی : وزیر اعلیٰ آتشی نے جمعرات کو الزام لگایا کہ کانگریس دہلی میں جیتنے کے لیے بھارتیہ جنتا پارٹی (بی جے پی) کے ساتھ مل کر کام کر رہی ہے۔ یہ بیان ذرائع کے اس دعوے کے درمیان آیا ہے کہ عام آدمی پارٹی ممکنہ طور پر انڈیا بلاک کی دیگر جماعتوں سے اس عظیم پرانی پارٹی کو اتحاد سے نکالنے کے لیے مشورہ کرے گی۔ یہ اقدام آئندہ دہلی انتخابات سے قبل اپوزیشن اتحاد کے لیے بڑا دھچکا ثابت ہو سکتا ہے۔
AAP کانگریس سے ناراض ہے جب اس نے پارٹی کے کنوینر اروند کیجریوال کے خلاف شکایت درج کروائی، جس میں ان پر “غیر موجود” فلاحی اسکیموں کے وعدوں کے ساتھ عوام کو “گمراہ کرنے اور دھوکہ دینے” کا الزام لگایا گیا۔
آتشی نے مزید کہا، ’’اگر نیشنل کانگریس دہلی کانگریس کی سازش میں ملوث نہیں ہے، تو انہیں دہلی کے اپنے لیڈروں کے خلاف کارروائی کرنی چاہیے۔‘‘
AAP لیڈر سنجے سنگھ نے کہا کہ وہ چاہتے ہیں کہ کانگریس اجے ماکن کے خلاف کیجریوال کو “ملک دشمن” کہنے پر کارروائی کرے۔ انہوں نے دھمکی دی کہ ، “ورنہ ہم کانگریس کو اتحاد سے ہٹانے کے لیے انڈیا بلاک کے دیگر اتحادیوں سے بات کریں گے،”
اشتہارات کے تنازعہ کے بیچ،اجے ماکن کے تبصرہ پر نیا تنازعہ
بدھ کے روز اشتہارات پر بڑے پیمانے پر تنازعہ شروع ہونے کے بعد، ماکن نے کہا کہ 2013 میں AAP کی حمایت کرنے کے پارٹی کے فیصلہ دہلی میں اس کے زوال کا باعث بنا۔ انہوں نے مزید کہا کہ 2024 کے لوک سبھا انتخابات کے لئے AAP کے ساتھ اتحاد کرنے کی “غلطی” کو درست کرنے کی ضرورت ہے۔
اس معاملے پر عآپ کی حمایت کرتے ہوئے، سماج وادی پارٹی (ایس پی) کے رہنما فخر الحسن چاند نے کہا کہ اجے ماکن نے جو زبان استعمال کی ہے وہ اچھی نہیں ہے، اور اسے قبول نہیں کیا جاسکتا۔
انہوں نے کہا ، “ایس پی چاہتی ہے کہ سبھی بی جے پی کے خلاف متحد ہو جائیں۔ اکھلیش یادو جی پہلے ہی کہہ چکے ہیں کہ AAP دہلی میں بی جے پی کو شکست دے سکتی ہے۔ اس لیے ہم کیجریوال کی پارٹی کو سپورٹ کریں گے۔ زبان کا وقار ہمیشہ برقرار رہنا چاہیے۔‘‘ چاند کا مزید کہنا تھا کہ دونوں جماعتوں کی قومی قیادت کو ایک دوسرے سے بات کرنی چاہیے۔ اگر ضرورت پڑی تو ایس پی ثالثی کرے گی،۔
کانگریس کی تردید
تازہ ترین تنازعہ پر ردعمل ظاہر کرتے ہوئے کانگریس لیڈر ابھیشیک دت نے نیوز 18 کو بتایا، “کجریوال نے دہلی کو لوٹ لیا ہے۔ وہ بغیر کسی وجہ کے سندیپ دکشت کے ساتھ زیادتی کررہے ہیں۔ کیجریوال جانتے ہیں کہ وہ الیکشن ہار جائیں گے۔
جنگ پورہ سے کانگریس کے امیدوار فرہاد سوری نے نیوز 18 کو بتایا، ’’کجریوال جانتے ہیں کہ منیش سسودیا جنگ پورہ سے ہار رہے ہیں، اس لیے اوچھے ہتھکنڈے استعمال کررہے ہیں،‘‘ ۔ انہوں نے مزید کہا کہ انہیں اپنے حلقے میں جو احساس مل رہا ہے وہ یہ ہے کہ ’’لڑائی کانگریس اور بی جے پی کے درمیان ہے، جب کہ سابق ڈپٹی سی ایم ہار رہے ہیں۔
سوری نے آتشی کے الزامات کو “سی ایم اور عآپ کی کم سوچ” قرار دیا۔ انہوں نے کہا ، “کوئی بھی کانگریسی بی جے پی سے پیسہ نہیں لینے والا ہے۔ کوئی بھی میرے خاندانی پس منظر کی جانچ کر سکتا ہے۔ یہ ایک احمقانہ بات کے سوا کچھ نہیں ہے۔ خدا انہیں عقل دے،”
کیجریوال کی ‘جھوٹی’ اسکیموں پر AAP بمقابلہ کانگریس کیسے شروع ہوا
دہلی یوتھ کانگریس نے بدھ کو AAP کے سربراہ کے خلاف “غیر موجود” اسکیموں پر شکایت درج کرائی تھی۔
شکایت میں الزام لگایا گیا کہ ، “یہ بات سامنے آئی ہے کہ قانون ساز اسمبلی کے مختلف ممبران (ایم ایل اے) اور میونسپل کارپوریشن آف دہلی (ایم سی ڈی) عآپ کے کونسلرز فعال طور پر عوام سے حساس ذاتی معلومات جمع کر رہے ہیں، بشمول ووٹر آئی ڈی کی تفصیلات اور فون نمبر۔ یہ ڈیٹا آن لائن رجسٹریشن کے عمل کے ذریعے جمع کیا جا رہا ہے، جس کے لیے OTP کی تصدیق کی ضرورت ہے،”
یوتھ کانگریس کی شکایت میں الزام لگایا گیا کہ ، “تاہم، یہ عوامی طور پر خواتین اور بچوں کی ترقی (ڈبلیو سی ڈی) ڈیپارٹمنٹ کی طرف سے، ایک سرکاری اشتہار کے ذریعے واضح کیا گیا ہے، کہ ایسی کوئی اسکیم نافذ نہیں کی جا رہی ہے۔ یہ واضح طور پر ثابت کرتا ہے کہ عام آدمی پارٹی دھوکہ دہی کے طریقوں میں ملوث ہے، اس طرح دہلی کے لوگوں کے اعتماد کو ٹھیس پہنچائی گئی ہے،”
